КіруЖаңа Қазақстанның тірегі – жалынды жастар
Бүгін, тамыздың 1-і күні Олимпиадалық резерв мамандандырылған мектеп-интернатының ойын алаңында БҚО қоғамдық даму басқармасының қолдауымен,«Болашақ» корпоративтік қорының ұйымдастыруымен, облыс жастарының арасындағы достық қарым-қатынасты нығайту мақсатында «JAIQ jastary» лагерінің салтанатты түрде ашылуы өтті.
Шарада облыстық жастармен жұмыс жөніндегі ресурстық орталығының басшысы Аңсар Ибраев, БҚО қоғамдық даму басқармасының жастар ісі бөлімінің басшысы Мирфат Бисекенов ақжарма тілектерін айтып, барлық ауданнан қатысқан жастар командаларына сәттілік тіледі.
Одан әрі өңірлерден келген белсенді жастар «Quiz» интеллектуалдық ойынында өнерлерін көрсетіп, шараның шырайын келтірді. Бірі ән шырқаса, екіншісі поэзиядан сыр шертті.
Сондай-ақ спорттық жаттығулардан трек көрсетіп, заманауи биден, рэптен жан-жақты екендіктерін танытты. Жастар лагері үш күнге жалғасады.
Гүлжан АЯЗБАЕВА
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
