КіруЖҮРГІНШІНІ ҚАҒЫП, ОҚИҒА ОРНЫНАН ҚАШЫП КЕТКЕН
Жаяу жүргінші оқиға орнында көз жұмған. Кінәлі жүргізуші іздестірілуде.
Оқиға бүгін, 20 қараша күні кешкі сағат 20.45-те «Бәйтерек» шағынауданындағы Нұр көшесінде болған. БҚО Полиция департаменті баспасөз қызметінің ақпаратына сүйенсек, белгісіз жүргізуші 2009 жылғы қыз баланы қағып өткен. Қыз бала жедел жәрдем қызметі жеткенше, көз жұмған. Көліктің нақты маркасы анық емес. Бірақ, жасыл не қою жасыл түсті «Ауди С-4» немесе «Ауди С-6» маркілі автокөлік болуы мүмкін.
Қазіргі уақытта БҚО Полиция департаментінің жеке құрамы осы оқиғаға себепкер көлік жүргізушісін іздестіру және ұстауға жұмылдырылған.
БҚО Полиция департаменті баспасөз қызметі тұрғындар тарапынан осы оқиғаға қатысты қандай-да ақпарат мәлім болса, 8(7112)28-33-96, 21-17-19 немесе 102 нөмірі арқылы Орал қаласы Полиция басқармасының кезекші бөліміне хабарласуын сұрайды.
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу