КіруЖҰМЫСҚА ОРНАЛАСТЫРУ ҮШІН 1 МИЛЛИОН ТЕҢГЕ АЛҒАН
Орал қаласында «жұмысқа орналастырамын» деген желеумен 40 жасар азаматшаның 1миллион теңгесін иемденіп алған 1974 жылғы әйел ұсталды. Бұл туралы БҚО Полиция департаментінің баспасөз қызметі мәлім етті.
40 жасар әйел ағымдағы жылдың мамырында 1 миллион теңге ақшасын танысына санап берген. Келісім бойынша ақшаны алған әйел оны жұмысқа орналастыру тиіс болған. Біра үш ай өтсе де, жұмыстан хабар болмапты. Ақшаны да кері қайырмаған. Сондықтан алданған әйел полицияға өтініш білдірген.
Қазіргі уақытта Абай полиция 1974 жылғы әйелді ұстап, Қылмыстық Кодекстің 190-баптың 1-тармағы (алаяқтық) бойынша сотқа дейінгі тергеу амалдарын бастады. Аталған бапта алаяқтық, яғни бөтеннің мүлкін жымқыру немесе алдау немесе сенімді теріс пайдалану жолымен бөтен мүлiкке құқықты иемдену мүлкі тәркіленіп, бір мың айлық есептiк көрсеткiшке дейiнгi мөлшерде айыппұл салуға не сол мөлшерде түзеу жұмыстарына не алты жүз сағатқа дейінгі мерзімге қоғамдық жұмыстарға тартуға не екі жылға дейiнгi мерзiмге бас бостандығын шектеуге не сол мерзiмге бас бостандығынан айыруға жазаланатыны көрсетілген.
Елмұра АСХАТҚЫЗЫ
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу