КіруЖҰБАН САЯБАҒЫ ЖАС КӨШЕТТЕРМЕН ТОЛЫҚТЫ
8 мамыр күні Ақ Жайық жастары саябаққа 30 көшет отырғызды. Бұл шара Ел Тәуелсіздігінің 30 жылдығына арналды.
Жұбан ақынның ескерткіші орналасқан саябаққа жас көшеттерді түптендіру шарасы «Киелі табиғат» жалпыұлттық экологиялық жобасының «Естелік саябағы» акциясы аясында өтті. Шараға «Ақ Жайық жастары» волонтерлік корпусы, «Орал жастары» волонтерлік корпусы, «Жаңғыру жолы» қоғамдық бірлестігі мен «Жас ұлан» ұйымдарының өкілдері қатысты. Олар өздері отырғызған бұл көшетттер болашақта мәуелі ағашқа айналарына сенімді. Ең бастысы, туған жерді түлету әр азаматтың парызы екендігін еске салып тұратын болады.
Айта кетейік, аталмыш жоба 24 сәуірде ҚР Президенті Қасым-Жомарт Тоқаевтың өскелең ұрпаққа экологиялық білім берудің тиімді әдістерін жүзеге асыру жөніндегі тапсырмаларын орындау мақсатында Ақпарат және қоғамдық даму министрлігінің қолға алуымен өткізілуде. Осы реттте 25 мамырға дейін ел аумағында экологиялық айлық жалғасатын болады.
Әлеуметтану зерттеулері қазіргі кезде экологиялық мәдениет пен экотренд қазақстандық жастардың TOП-5 құндылық критерийлеріне кіріп отырғандығын көрсетіп тұр. «Киелі табиғат» жобасы осы оң тенденцияны нығайтуды және дамытуды көздейді.
Елмұра АСХАТҚЫЗЫ,
zhaikuni.kz
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу