КіруЗЕЙНЕТАҚЫ ЖИНАҒЫ БАСПАНАҒА ЖЕТЕ МЕ?
Зейнетақы төлемдерін тұрғын үй жағдайын жақсарту үшін пайдалануға өтініштер қабылдануда. Батыс Қазақстанда зейнетақы қорындағы қаржы қоры жеткілікті 26 мыңнан аса тұрғынның осы мүмкіндікті пайдануға құқығы бар.
Айта кететін бір жағдай бұл мүмкіндікті екінің бірі пайдалана алмайды. Кем дегенде 10 жылдан аса еңбек өтілі мен 300 мыңнан аса жалақы алатындар ғана жинақ қаражатының бір бөлігіне ие бола алады. БЖЗҚ БҚОФ директоры Қайрат Ихсановтың айтуынша барлығы 5101 тұрғыннан өтініш түссе, солардың 3179-на тұрғын үй жағдайын жақсартуға рұқсат берілген.Алушының меншігінде тұрғын үйдің болуы біржолғы зейнетақы төлемдерін алудан және пайдаланудан бас тартуға негіз болмайды.
Ескерте кетейік, зейнетақы шотындағы қаражат қолма-қол ақша ретінде берілмейді. Сондай-ақ зейнетақы жинағы алушының жұбайынан, жақын туыстарынан жылжымайтын мүлік сатып алуға берілмейді.Біржолғы зейнетақы төлемін пайдалана отырып меншікке ресімделген жылжымайтын мүлікті 5 жыл ішінде сатуға болмайды. Егер мүлік сатылатын болса, біржолғы зейнетақы төлемінің сомасын қайтаруға тура келеді. Бүгінде облыс халқының зейнетақы қорында – 19 млрд. 782 млн. теңгеден аса қаражат бар.
Айнара ИСА,
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу