КіруЗЕЙНЕП ПЕН АНАСТАСИЯ – СПОРТ ШЕБЕРЛЕРІ
Жәңгір хан атындағы Батыс Қазақстан аграрлық-техникалық университетінің спортшы қыздары тағы бір белесті бағындырды. Сүйінші хабарды университеттің медиа орталығы хабарлады.
Ағымдағы жылдың 16-17 наурызы аралығында Павлодар қаласында өткен V Жастар ойындарында жоғары оқу орнының Экономика және аудит жоғары мектебінің 1-курс студенттері Зейнеп Баянова мен Анастасия Панасович әйелдер күресінен жеңімпаз атанып, ҚР спорт шебері нормативін орындады. З.Баянова 53 келі салмақта, ал А.Панасович 68 келі салмақта өз бақтарын сынап, жеңіске жетті. Жаттықтырушылары – Рулан Хамзин (Ақжайық ауданы), Баймұрат Әбдірахманов (Бөрлі ауданы), Мусабек Нарегеев (БҚО Спорт-интернат-колледжі).
Айта кетейік, қос бойжеткен жуырда ғана Өскемен қаласында өткен әйелдер күресінен 23 жасқа дейінгілер арасындағы ҚР чемпионатында да топ жарған болатын. Ел чемпионатында З.Баянова қола жүлдеге қол жеткізсе, А.Панасович күміс медальды жеңіп алған еді.
zhaikuni.kz
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу