Кіру19 Мамыр 2021 1550 0
ҚоғамЗАШАҒАНДА ЖАҢА МЕШІТТІҢ ҚҰРЫЛЫСЫ БАСТАУ АЛДЫ
Бүгін, 19 мамыр күні Зашаған кентінде салынатын Орал қалалық мешітінің іргетасын қалау басталды. Жаңа мешіттің капсуласын орналастыру рәсіміне БҚО әкімі Ғали Есқалиев пен Бас мүфти Наурызбай қажы Тағанұлы қатысты.
Құлшылық үйі Орал-Саратов және Орал-Атырау күре жолдарының қиылысында бой көтереді. Орал қаласының әкімі Абат Шыныбеков таныстырып өткендей, мешітті салуға таңдалған аймақ көпшілікке қолайлы, құрылыс жобасы әлі де жетілдіріледі.
Мешіт құрылысының басталу рәсімінде облыс әкімі Ғали Есқалиев Зашағандағы халық саны бүгінде 70 мыңға жеткенін және кейінгі жылдары осы аудан тұрғындары тарапынан мешіт салуға ұсыныс білдіргендер көбейгенін атап өтті.
Міне, көптің тілегі қабыл болып, құлшылық өтеу орны үшін арнайы 1,5 гектар көлемінде жер телімі бөлінді. Мешіттің жалпы ауданы 2,5 мың шаршы метрді құрамақ. Нысан жергілікті тұрғындар мен демеуші азаматтардың қолдауымен салынады. Сыйымдылығы бір мезетте 1500 адамның құлшылығын өтеуіне есептелуде.
ҚМДБ төрағасы, Бас мүфти Наурызбай қажы Тағанұлы мешіт – халықты имандылыққа, әділдікке, адалдыққа тәрбиелейтін қасиетті орын екенін атап өтіп, дұға жасады.
zhaikuni.kz,
суреттерді түсірген Рафхат ХАЛЕЛОВ
Соңғы жаңалықтар
Қалалықтар қаперіне
Құқық бұзушылыққа жол бермейтін Telegram чат боты іске қосылды
11 Қазан 2024
3601 0
Пікір үстеу