КіруЗАМАНДАСЫН ТОНАҒАН ҚЫЗ БАЛА СОТТА ЖАУАП БЕРМЕК
БҚО Полиция департаменті полицияға телефонын ұрлатқан 22 жасар Бәйтерек ауданының тұрғыны шағым түсіргенін хабарлады.
Шағымданушының мәлімдеуінше, белгісіз қыз бала үйдің кіреберісінде ашық түрде оның телефонын алып кеткен. Жедел-іздестіру барысында Орал қаласы Полиция басқармасының учаскелік инспекторлары қылмысты жасаған азаматшаны анықтап, ұстады. Ол 22 жасар Орал қаласының тұрғыны болып шықты.
«Айфон» маркілі телефон иесіне қайтарылды. БҚО Полиция департаментінің баспасөз қызметі күдіктіге қатысты Қылмыстық Кодекстің 191-бабы 1-тармағы бойынша сотқа дейінгі тергеу амалдары басталғанын мәлім етті.
Айта кету керек, 191-баптың 1-тармағында жазылғандай, тонау, яғни бөтеннің мүлкін ашық жымқыру – мүлкi тәркiленiп немесе онсыз, екі мың айлық есептiк көрсеткiшке дейiнгi мөлшерде айыппұл салуға не сол мөлшерде түзеу жұмыстарына не бір мың сағатқа дейінгі мерзімге қоғамдық жұмыстарға тартуға не төрт жылға дейiнгi мерзiмге бас бостандығын шектеуге не сол мерзiмге бас бостандығынан айыруға жазаланады.
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу