Кіру«Тіл – тұтастық туы»
«Рухани жаңғыру» бағдарламасы аясында Қазақстан халқының тілдері күні мерекесі мен Астана қаласының 20 жылдығына арналған «Тіл – тұтастық туы» атты тілдер фестивалі өтті. Х.Бөкеева атындағы қазақ драма театрында өткен шарада тіл саясатын жүзеге асыруға, мемлекеттік тілдің мәртебесін нығайтуға үлес қосып жүрген тіл жанашырлары ҚР мәдениет және спорт министрлігінің «Құрмет грамотасымен», БҚО әкімінің алғыс хатымен марапатталды.
Биылдан бастап ҚР Үкіметінің қаулысына сәйкес, тіл мерекесі – 5 қыркүекте аталып өтілмек. Мұның өзіндік себебі бар. Бұл күн – «Ұлттың сақталуына да, жоғалуына да себеп болатын нәрсенің қуаттысы – тіл» деп ұлағатты сөз қалдырған, қазақ халқының тағдыры, тілі үшін күрескен Алаш арысы, Ұлт ұстазы Ахмет Байтұрсынұлының туған күні. Шарада облыс әкімінің орынбасары Ғабидолла Оспанқұлов енді барша қазақстандықтардың қазақ әліпбиінің негізін салған ғалымның туған күнінде Тіл мерекесін тойлайтын қуанышпен хабарлап, халықты айтулы мерекемен құттықтады.
– Тіл – әр ұлттың, әр мемлекеттің биік тұғыры. Сондықтан мұндай мерекелік шаралардың өтуі – идеологиялық тұрғыда ел еңсесін көтерері сөзсіз. Конституциямыздың 7-бабы 1-тармағында «Қазақ тілі – мемлекеттік тіл» екені тайға таңба басқандай жазылған. Бүгінде батысқазақстандықтардың 85 пайызы қазақ тілінде еркін сөйлейді. Олардың 10 пайызы өзге ұлт өкілдері. Бұл көрсеткішпен шектелуге болмайды. Әлі де тілді дамытуда іргелі жұмыстар атқарылуы тиіс. Қазақстан – көпұлтты мемлекет. Осы жерде тұрып жатқан 130-дай ұлт өкілін тарих біріктірді. Сол себепті өзге ұлттардың тіліне де құрметпен қарауымыз керек. Қазақстан халқы Ассамблеясы үйінде әр ұлттың өз тілін меңгеріп, дамытуына барлық жағдайлар жасалған. Бұл да қазақ елінің мақтанышы. Қазір үштілділік саясаты – мектеп, балабақша бағдараламасына енгізілуде. Бұл халықтың заман талабына сай бәсекеге қабілеттілігін арттырады. Яғни, қазақ тілін ғана білу – қазақ елінің шекарасымен шектеледі. Орыс тілін қосымша білу – тағы 150 миллионнан астам халықпен тілдесуге, әлемнің жартысы сөйлейтін ағылшын тілін үйрену сол елдердің халқымен сөйлесіп, ғылымын, білімін еркін үйренуге мүмкіндік береді. Сондықтан жастарды көп тілді үйренуге шақырамыз, – деген Ғабидолла Абдоллаұлы лебізін үш тілде жеткізіп, бұдан әрі тіл жанашырларына марапаттарды табыс етті. Ақын, жұбантанушы, өңірдегі бірыңғай мемлекеттік тіл саясатын жүзеге асыруға ат салысып жүрген Ү.Елеубаева мен Тасқала ауданы әкімінің орынбасары Л.Жұбанышқалиева ҚР мәдениет және спорт министрлігі Тіл саясаты комитетінің «Құрмет грамотасымен» марапатталса, өңірімізде мемлекеттік тіл саясатын жүзеге асыруға, мемлекеттік тілдің мәртебесін нығайтуға сүбелі үлес қосқандары үшін М.Өтемісов атындағы БҚМУ-дың ұстаздары, филология ғылымдарының докторлары Ғ.Хасанов, Қ.Аронов, Бөрлі, Шыңғырлау, Зеленов аудандарынан В.Пермитина, Ө.Бекениязов, А.Фоменко облыс әкімінің алғыс хатына ие болды. Сондай-ақ әр саладағы тілдік дамуға өз үлестерін қосқан белсенді азаматтар мен мекемелерге арнаулы аталымдар берілді.
Айтулы шараға Л.Н.Гумилев атындағы Еуразиялық ұлттық университеті, қазақ әдебиеті кафедрасының доценті, филология ғылымдарының кандидаты О.Жәлел, EDTECH.KZ Халықаралық білім орталығының бас директоры, PhD докторы Ғ.Бисенбаев қатысты. Олар 6-8 қыркүек күні жоғары оқу орындары мен техникалық және кәсіптік білім беру ұйымдарында, орал қаласының әскери бөлімінде ұлтық құндылықтар мен салт-дәстүрлер, ұрпақ тәрбиесі туралы ақпараттық дәрістер өткізбек. Сондай-ақ құрметті меймандар қатарында Ресей Федерациясындағы қазақ диаспорасы мен зиялы қауым өкілдері, этно-мәдени орталықтарының жетекшілері болды.
Эльмира НҰҒМАНОВА
Версия для печатиСоңғы жаңалықтар
Жәнібек аудандық сотында 11 жыл бұрынғы өлім фактісін анықтау туралы азаматтық іс қаралды
Оралда жол апаты: үш көлік соқтығысып, жаяу жүргінші жолы тағы да қауіпке айналды!
Тоқаев Қытай үкіметіне 1500 ақбөкен сыйға тарту туралы шешімін жариялады
Батыс Қазақстан облысында энергетикалық әлеуетін арттыру жұмыстары жалғасуда
Об Агентстве по атомной энергии Республики Казахстан
«Әлеуметтік желіде жазылған пікірлерге жауапкершілікпен қарауымыз керек»,- деді Президент кеңесшісі
Пікір үстеу