КіруТІКҰШАҚ АПАТЫ: БОРТТА БОЛҒАН 13 АДАМНЫҢ БІРІ – БАТЫСҚАЗАҚСТАНДЫҚ
27 наурызда Қызылорда облысының аумағында апатқа ұшыраған Ми-8 тікұшағының бортында капитан Сырым Мәлкейұлы да болған. Бүгін Орал қаласы әкімі Мұрат Мұқаев марқұм болған азаматтың Оралда тұрып жатқан ата-анасының үйіне барып, көңіл айтты.
Орал қаласы әкімдігінің баспасөз қызметінің мәліметінше, Мәсәлім Сырым Мәлкейұлы 1989 жылы Батыс Қазақстан облысы, Сырым ауданы, Аралтөбе ауылында дүниеге келген. 2011 жылы Т.Бигелдинов атындағы Әуе қорғаныс күштерінің Әскери институтын бітірген. Жерлесіміздің артында жұбайы мен бір ұлы қалды. Марқұмның жерлеу шараларын әкімдік өз мойнына алатын болады.
Орал қаласы әкімдігі опат болған батырымыздың тума-туыстарына қайғырып көңіл айтады.
Біз де марқұмның жаны жәннатта болуын, артында қалған отбасы мен тума-туыс бауырларына сабыр берсін деп тілейміз.
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу