Кіру22 Сәуір 2022 1492 0
Қоғам«ТЕҢ ҚОҒАМДАҒЫ» РУХАНИ КЕШ
22 сәуір күні «Қасиетті рамазан» акциясы аясында «Тең қоғам» әлеуметтік қолдау орталығында «Аманат-Жайық» қоғамдық қорының ұйымдастыруымен мүмкіндігі шектеулі жандарға қайырымдылық шарасы өтті.
Мейірімділікке, жанашырлыққа, жетім-жесір, жоқ-жітікке қолұшын беріп, демеу болуға шақыратын ұлық айдағы игі іске ұйытқы болған «Аманат-Жайық» қоғамдық қорының төрағасы Есімжан Доспаев жиналғандарды Рамазан айымен құттықтап, қордың жұмысымен таныстырды.
«Жұмыспен қамту және әлеуметтік бағдарламалар бөлімінің зейнеткерлер мен мүгедектерге әлеуметтік қызмет көрсету аумақтық орталығының» КММ директоры Абзал Молдағалиев орталық жұмысын тарқата айтып, игі бастамаға алғысын жеткізді.
Мүмкіндігі шектеулі жандардың көңілін көтеріп, халқымыз қастерлеп үкі таққан домбырамен асқақтата ән салып, күмбірлетіп күй төккен өнерпаздар да көпшіліктің көңілінен шықты.
Мұхаммед-Ғарип Тұлбаев мешітінің наиб имамы Бағдат Жақаев қасиетті айда ораза ұстаған жан өзін тек қана ішіп-жемнен тыю емес, оған қоса қайырымдылық жасаумен, қосымша ғибадаттармен, құлшылықтармен, жақсылық жасаумен айналысу керек деп, соңғы онкүндіктің қасиеті мен Қадір түні туралы уағыз айтты.
Шара барысында әлеуметтік маңызы бар азық-түлік себеті таратылып, 1 топ мүгедегі Жәдігер Баймұханов пен Зинат Есенгелдиналар ризашылығын жасырмай, аналық алғысын айтып, батасын берді.
Версия для печати
Соңғы жаңалықтар
Қалалықтар қаперіне
Құқық бұзушылыққа жол бермейтін Telegram чат боты іске қосылды
11 Қазан 2024
3493 0
Пікір үстеу