КіруТАЛ ТҮСТЕ ҰРЛЫҚҚА ТҮСКЕН
11 қаңтарда Орал қаласы Абай даңғылы бойындағы бір жер үйге белгісіз тұлға ұрлыққа түскен. Күдікті бір күннен соң полицейлердің қолына түсті.
Жер үйдің пластик терезелерін тапа-тал түсте ішке қарай итеріп ашу арқылы үйге кіріп, бөлмелердегі шкафтарды ақтарып, алтын бұйымдар мен ақша іздеген. Осылайша, 2 ер адамның, 4 әйел адамның алтын сақиналарын және 200 доллар ақша ұрлаған.
Үй иелері полицияға шағымданды. Оқиға орнына барған жедел уәкілдер төңіректегі бірнеше бейнебақылау камераларын және ірі нысандар маңайындағы камераларды қарау арқылы осы күні кеште күдіктінің бет-бейнесін анықтады. Үй иелеріне 1 миллион 600 мың теңге көлемінде шығын келгені есептелді. Әрі қарай жүрген ізін жіті зерделеген Абай полиция бөлімінің қырағы қызметкерлері 12 қаңтарда күдіктіні ұстап, бөлімге жеткізді.
1987 жылғы, еш жерде жұмыс жасамайтын, ұрлық фактілерімен бұған дейін де заң алдында жауапталған күдікті үйге ұрлыққа түскенін мойындады. Сақшылар күдіктінің қолынан алтын сақиналарды тәркіледі, ол алтын бұйымдар 1-2 күн ішінде иелеріне қайтарылады. Ал күдікті ақшаны өз қажетіне жаратып, жойып жіберген.
Абай полиция бөлімі Қазақстан Республикасы Қылмыстық Кодексінің 188-бабының 3-бөліміне сай қылмыстық іс қозғады. Жыл басталғалы Абай полиция бөліміне қарасты аймақта тіркелген алғашқы пәтер ұрлығы екен. Тергеу амалдары жүргізілуде.
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу