КіруАлаяқтың жолын кесті
Оралдық полицейлер аңғал қарияны алаяқтың арбауынан құтқарды. Сақшылардың айтуынша, белгісіз азамат зейнеткердің жақын туысы жол апатына түскенін телефонмен хабарлапты.
Оның кінәлі екенін айтып, жазадан құтқару үшін қомақты қаржы сұрайды. Бірақ сақшылар қарияның 2 миллион 300 мың теңгесін әкетуге келген курьерді дер кезінде қолға түсіріпті. Ал олжасынан оңай айрылғысы келмеген телефон алаяғы өзінің ішкі істер министрлігінен екенін дәлелдемек болған. Полиция дерегінше, осылай алданған 14 қария бір айдың ішінде 11 миллион теңгесінен айрылыпты. Бәрі де жалғызілікті жандар. Ал ақша тасушылардың көбі таксист екені анықталды. Айыбы дәлелденсе, олардың жеті жылға сотталуы мүмкін.
БҚО ПД крименалдық полиция басқармасы бастығының орынбасары Нұрлан Бисеновтың айтуынша, өзгелердің телефон қоңырауына сенбеу қажет
– Көбі телеграмнан «ищу работу» деп таптым дейді. Онда ұйымдастырушылар бір жерге барасың немесе бір нәрсені аласың да, счетқа салып жібересің деп жұмсайды. Тағы да бір курьер айтады: «Мен «Яндекс Таксиде» доставка болдым» дейді. Бұлар бергі жақтағы “шабармандар”. Ал ертең біз олармен жұмыстанғанда нағыз қылмыскер ретінде жауапкершілікке тартылады. Олар біз ешкімді алдап жатқан жоқпыз ғой деп ойлайтын шығар. Бірақ олар қылмысқа қатысы бар алаяқтар, – деді БҚО ПД крименалдық полиция басқармасы бастығының орынбасары Нұрлан Бисенов. Полиция 6 оралдықтың алаяқтарға көмектескенін анықтапты. Енді олар жауапқа тартылады. Ал бұл істі ұйымдастырушылар – еліміздің басқа өңірінен немесе шетелдіктер. Қазір арнайы құрылған кибертоп оларды іздестіріп жатыр.
Айнара ИСА
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу