КіруТҮЗЕТУ МЕКЕМЕСІНЕ АРНАЛҒАН ҒИМАРАТ АУРУХАНАҒА АЙНАЛУЫ МҮМКІН
Орал қаласындағы құрылысы аяқталмаған түзету мекемесі кардиологиялық ауруханаға айналуы мүмкін. Бұл туралы облыстық денсаулық сақтау басқармасы басшысының міндетін атқарушы Арман Қалибеков мәлімдеді.
Кардиологиялық орталық дәрігерлері емдеу нысанның тарлығы сапалы қызмет көрсетуге мүмкіндік бермей отырғанын айтады. Өйткені 2003 жылы жүрек қан тамырлары жүйесінің ауруларын емдеуге арналған орталық пайдалануға берілгенде емдеу-сауықтыру орны ретінде қаралыпты. Дәрігерлердің айтуынша, науқастар саны уақыт өткен сайын жасарып медициналық көмекке жүгінушілер қатары артып келеді.
Облыстық кардиологиялық орталық директорының орынбасары Эльмира Сүйеуғазиеваның айтуынша, әсіресе, күз және қыс айларында бір күнде ауруханаға түсетіндердің саны 60-тан асып, палатаға сыймағандарға дәлізде көмек көрсетілетін көрінеді.
– Бұл мәселе бірнеше жылдан бері бар. Кей кездері науқастарға дәлізде көмек көрсетіледі. Өйткені медициналық көммекке мұқтаж жандарға қалай болғанда да ем-дом шаралары жүргізілуі керек. Маман тапшылығы жоқ, барлық қажетті заманауи құрылғылар бар. Ең өзекті мәселе – жаңа аурухана, – деді облыстық кардиологиялық орталық директоырының орынбасары Эльмира Сүйеуғазиева.
Қазірдің өзінде науқастар саны көп болуы себепті, нысанның әкімшілік бөлімі аурухананың қарсы бетіндегі «Еуразия» туристік орталығының бір корпусына орналыстырылыпты. Мұның өзі де мәселенің түбегейлі шешімі емес. Сол себепті облыс әкімі жуырда денсаулық сақтау басқармасының мамандарына тапсырма берген болатын. Яғни, облыс орталығындағы сақалды құрылысқа айналған бос ғимартарды қарастырып ауруханаға айналдыру жәйі сөз болды. Осы орайда осыдан бірнеше жыл бұрын бой көтерген жаңа Ақжайық ауданындағы түзету мекемесі құрылысында жіберілген кемшіліктердің салдарынан қаңырап бос тұр. Алдағы уақытта осы нысан қайтадан жаңғыртылып, кардиологиялық орталыққа айналуы мүмкін.
– Қазір түзету мекемесіне арналып тұрғызылған құрылыс нысанын қайта жаңғыртып, ауруханаға бағыттау үшін тиісті шаралар орындалып жатыр. Бұл нақты шешім емес. Алайда бір, ай жарым көлеміндегі уақытта аурхана құрылысы туралы шешім шығарылатын болады, – деді облыстық денсаулық сақтау басқармасы басшысының міндетін атқарушыАрман Талғатұлы.
Айта кеткен жөн бұл бағытта әлі зерттеу жұмыстары жүргізілуде. Бір жылда кардиологиялық орталық шамамен 6000-нан аса адамға көмек көрсетеді. Ал қазіргі эпидемилогиялық ахуалға байланысты жағдайлары күрт нашарлаған науқастарға алдыңығы кезекте ем-дом жасау үшін 30-ға жуық кереует бөлек дайындалыпты. Ақ халаттылар болса емдеу сауықтыру орынындағы талаптар ауруханадағыдай болмайтынын айтады.
Айнара ИСА,
zhaikuni.kz
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу