КіруТӘУЕЛСІЗДІК ЖЫЛДАРЫ ОРАЛ ҚАЛАСЫНЫҢ ХАЛҚЫ 35 ПАЙЫЗҒА ӨСКЕН
Бүгін, 30 қараша күні Орал қаласы әкімі Абат Шыныбеков өңірлік коммуникациялар қызметі ұйымдастырған брифингте Тәуелсіздік жылдарындағы шаһардың әлеуметтік-экономикалық дамуы туралы баяндады.
– Тәуелсіздік жылдары Қазқастан үшін зор жетістіктер жылы болды. Бұл кезеңде елімізбен бірге Орал қаласы да қарқынды дамып, әлеуметтік-экономикалық жағдайы еселеп артты, ең бастысы халықтың тұрмыс-тіршілігі жақсарды, – деді қала әкімі Абат Абайұлы.
Қазіргі уақытта Орал қаласының аумағы 720 шаршы шақырымды құрайды. Қала құрамында Деркөл, Зашаған, Круглоозерный кенттері мен Желаев ауылдық округі бар. Осы жылдар ішінде қалада 18 жаңа шағынаудан пайда болған.
Тәуелсіздік алған жылы қала халқының саны 238 мың адамды құраса, қазіргі таңда қалада 322 мың адам тұрады, яғни халық саны 35% – ға өскен.
Қаланың өнеркәсіп өндірісінің көлемі тәуелсіздік жылдары 264,8 млн.теңгеден 183,8 млрд.теңгеге дейін ұлғайды. Негізгі капиталға салынған инвестициялар көлемі 112 млн.теңгеден 107,5 млрд. теңгеге дейін өсті.
Ауыл шаруашылығы жалпы өнімінің көлемі 1994 жылы 360,7 млн.теңге болған. Қазір бұл көрсеткіш 10,5 млрд.теңгеге дейін ұлғайды, өсім 29,3 есе.
Елмұра АСХАТҚЫЗЫ,
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу