КіруТӨТЕНШЕ ЖАҒДАЙ РЕЖИМІН БҰЗҒАНДАРҒА ӘКІМШІЛІК ХАТТАМА ТОЛТЫРЫЛДЫ
Оралда төтенше жағдай режимін бұзғандарға қатысты әкімшілік хаттама толтырылды.
Ағымдағы жылдың 15 наурызынан бастап Қазақстан Республикасы Президентінің 285 Жарлығына сәйкес, елімізде COVID-19 инфекциясының таралуына байланысты төтенше жағдай жарияланды. Осыған орай, аталған аурудың таралуын болдырмау мақсатында қаламыздағы барлық кафе, ресторан, қоғамдық тамақтану орындарының жұмыс уақытына кешкі сағат 22.00-ге дейін шектеу қойылғаны туралы 2020 жылғы 16 наурызда кәсіпкерлік бөлімінен нұсқау келіп түсті. 17 наурыздан бастап қойылған шектеу бойынша учаскелік полиция инспекторлары және санитарлық-эпидемиологиялық қызмет, қаладағы волонтерлар, полицияның қоғамдық көмекшілері рейдтік іс шаралар жүргізуде. Бүгінгі күнге дейін Қазақстан Республикасы Әкімшілік Құқық Бұзушылық туралы кодекстің 476-бабымен (төтенше жағдай үрдісін (режимін) бұзғаны үшін барлығы 8 әкімшілік хаттама толтырылды. Үшеуіне 10 күн қамақ, біреуіне 2 күн қамақ, екеуіне 10 АЕК (26 561 теңге) көлемінде айыппұл салынды. Рейдтік іс-шараларға шығатын 3 топ құрылды, тексерістер 15 сәуірге дейін жалғасады. Кеше Абай полиция бөлімі Жергілікті полиция қызметі бөлімінің учаскелік полиция инспекторлары қала орталығындағы кафе, мейрамхана, дәмхана, шайхана сынды көпшілік тамақтанатын орындар мен көңіл көтеру, ойын сауық орындарын тексеріп, арнайы талаптардың орындалуын қадағалады. Бұл жолы түнгі рейдке Абай Пб учаскелік полиция инспекторлары волонтерларды, өзге де мүдделі ұйым өкілдерін ілестіріп шықты. Түнгі рейдтер алдағы күндері де жалғасын табады.
Заң баршаға ортақ, талаптарын орындауға бәріміз міндеттіміз.
Орал қ.ПБ
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу