КіруҚҰТҚАРУШЫ МАМАНДЫҒЫНЫҢ ҚЫР-СЫРЫ ТҮСІНДІРІЛДІ
Батыс Қазақстан облысы Төтенше жағдайлар департаментінің өрт сөндіру және авариялық-құтқару жұмысы қызметінің қызметкерлері Көкшетау техникалық институтына түсушілерге үгіт-насихат жұмысын жүргізу мақсатында Орал қаласындағы Вольдорф бағытындағы мектеп-гимназия, №46 және 25 орта мектептерде кәсіби бағдарлау жұмысын жүргізді.
Кездесу Көкшетау техникалық институтының құрылу тарихы, оқу шарттары мен оқуға түсу секілді ақпараттармен басталды.
Көкшетау техникалық институты жоғары білімі бар, білікті азаматтық қорғау офицерлерін дайындайтын ҚР ІІМ ТЖК-нің жалғыз ведомстволық оқу орны болып табылады. ҚР ІІМ ТЖК КТИ-да оқу, тұру, киім-кешек және тамақтанудың барлығы мемлекеттік қаржы есебінен өткізіледі. Бұл орайда мектеп бітіруші сыныптардың оқушыларына, мұғалімдеріне ҚР ІІМ ТЖК-нің КТИ-ына оқуға түсу форматы туралы түсініктеме берілді.
Сондай-ақ №3 орта мектептің 10-11 сыныптары арасында спорттық спартакиада өткізіліп, дода барысында жас өрт сөндіруші ретінде оқушылар өрт-сөндіру нормативтерінен өз бақтарын сынап көрсе, №46 және 25 мектептің 10-11 сынып оқушыларымен болған кездесуге КТИ-дың 1 курсанты, қаламыздағы №46 мектептің түлегі Жасұлан Әнуар Шыңғысұлы қатысып, өзінің болашақ өрт-сөндіруші-құтқарушы мамандығының қыр-сырымен бөлісті. Ол КТИ-ға ниет білдірген мектеп оқушыларына жас түлектерге қойылатын талаптар, Көкшетау техникалық институтына түсу туралы ережелер, сонымен қатар казармадағы өмір мен оқу орнының артықшылықтарын айтып берді.
Дәріс өткізілгеннен кейін ҚР ІІМ ТЖК КТИ-ына түсем деп ықылас танытқандармен жеке сұхбат өткізіліп, оқуға түсу бойынша жадынамар берілді.
Арайлым Ғани, БҚО ТЖД Өрт сөндіру және авариялық-құтқару қызметі мемлекеттік тіл және ақпарат тобының маманы
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу