СЫЙЛЫҚ ДЕП ШАТЫСТЫРЫП АЛЫПТЫ
«Тарта жесе тай қалар, қорқа жесе қой қалар» демекші, мемлекет қаржысын талан-таржыға салды деген күдікке іліккен Батыс қазақстан облысының денсаулық сақтау басқармасының экс-басшысы Болатбек Каюповтың ісі бойынша кеше алғашқы сот отырысы өтті.
ҚР Қылмыстық Кодексінің 336-бабына (пара алу) сәйкес айыпталған Б.Каюповтың ісін Орал қалалық сотында қаралды. Ол 2020 жылғы 12-23 қазан аралығында компания директорынан жалпы сомасы 78 000 000 теңгеге медициналық жабдықтарды жеткізуге мемлекеттік сатып алу туралы ЖШС-мен бұрын жасалған шарттар бойынша орындалған жұмыстар мен қабылдау актілеріне кедергісіз қол қою үшін пара түрінде жалпы сомасы 7 800 000 теңге алды деген күдікке іліккен болатын. Сот отырысында Каюпов өзіне тағылған айыпты мойындамады. Оның айтуынша әріптестері оның туған күніне ақшалай тарту жасаған және ол оны пара алу деп санамайды. Қуанышты күнінде масаң болуы себепті ақша салған конвертті сыйлық деп қабылдапты-мыс.
Айнара ИСА,
zhaikuni.kz
Версия для печати
Пікір үстеу