КіруСТУДЕНТТЕРГЕ АРНАЛҒАН БАЙҚАУ
Оралда «Kazkon» компаниясы Жәңгір хан атындағы БҚАТУ студенттері үшін байқау жариялады. Байқау талаптарын орындап, үздік эссе жазғандар 50 мыңнан 300 мың теңгеге дейін ақшалай сыйға ие болады.
Қалалық мәслихат депутаты, «Kazkon» ЖШС директоры Марат Қаженов Жәңгір хан атындағы БҚАТУ-мен ынтымақтастық аясында «Жетістікке жетудің алгаритмі» эссе-байқауын өткізбек. Эссе-байқау студенттердің заманға сай біліммен қарулануын және жастар арасында кітап оқуды дағдыға айналдыруды мақсат етеді. Өйткені бүгінгі қоғамның басты мәселесі – адамдардың кітап оқуға ықыластарының төмендігі. Конкурсқа қатысу үшін студенттер кітап оқып, соның біреуі бойынша эссе жазуы қажет. Содан кейін ғана байқау комиссиясы үздіктерін анықтап, жеңімпаздар ақшалай сыйлықпен марапатталмақ.
– Ең жақсы әдет – кітап оқу. Кітаптың қай тілде болуы да маңызды. Бүгінде ағылшын тілі алдыңғы қатарда. Бірақ, біз 30 кітаптың ішінен қазақ тіліндегі үш кітапты оқуды ұсынамыз. Конкурста болатын 30 кітаптың ішінде осы үшеуі міндетті түрде оқылуы тиіс әдебиеттердің қатарында. Бұлар – маркетинг, жобалық менеджмент, психология және мотивациялық әдебиеттер. Студенттерге өте пайдалы. Біз қаржыны жастардың дамуына, олардың бәсеке қабілетті болуы үшін қажетті білімді игеруіне жұмсасақ дейміз, – дейді Марат Қаженов.
Студенттерге кітап оқуға үш ай мерзім беріледі. Конкурс қорытындысы келер жылдың ақпан айында шығарылмақ. Үздік эссе авторы – 300 мың теңге, екінші орын иегері – 100 мың теңге алады. Үшінші орын алған екі студент 50 мың теңгеден иеленбек.
Ұйымдастырушылардың сөзінше, Жәңгір хан атындағы БҚАТУ-да өткізілетін дәл осындай байқауды алдағы уақытта М.Өтемісов атындағы БҚМУ базасында ұйымдастыру жоспарлануда.
Е.АСХАТҚЫЗЫ
http://www.wkau.kz/index.php/kz/news-and-events/2184-300-tysyach-za-esse
Версия для печати
Соңғы жаңалықтар
Батысқазақстандық полиция қызметкерлеріне гуманитарлық көмек жіберілді
ҚР Премьер-Министрінің бірінші орынбасары су тасқыны орын алған аумақтарды көрді
Пікір үстеу