КіруШЕБЕРЛІК САҒАТЫ ӨТТІ
«Шебердің қолы алтын», дейді дана халқымыз. Сөзге шебер, іске де ұста халқымыздың мәдениетін паш ететін құндылықтарының бірі – оның қолөнері. Асыл тастан сән бұйымын жасаған, қазақ ұлттық киімдерінің етек-жеңіне оқа тігіп, кимешектің өңіріне, жақтауына кесте жүргізіп, сүйек пен мүйізді қиыстырған халық шеберлерінің ісі – мақтауға тұрарлық өнер туындысы.
Ақпан айының 9- жұлдызында “Орал қалалық жастармен жұмыс жөніндегі ресурстық орталығыны” ұйымдастыруымен шеберлік сағаты жүзеге асты. “Мария ханым” сән үйінің қолдауымен өткен бұл іс-шараға 20-дан астам қыз-келіншектер қатысты.
Шеберлік сағатында тігіс түрлері және құрылғылар, “Мария ханым” сән үйінің брендтік киім-кешектері таныстырылды.
Нәзік жандылар үшін тиімді әрі тегін өткен шеберлік сағатына қолдау көрсеткен “Мария ханым” сән үйіне және Жұлдыз Құспанова ханымға алғыс білдіреміз!
Алдағы уақытта шаһар тұрғындары үшін түрлі бағыттағы шеберлік сағаттары ұйымдастырылады.
Қандағы бар әдеп – ғұрып, қол өнеріміз санадан еш өшпесін!
Сымбат Қыпшақбай
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу