КіруӘСЕЛ – РЕСПУБЛИКАЛЫҚ БАЙҚАУ ЖЕҢІМПАЗЫ
Орал газ, мұнай және салалық технологиялар колледжінің арнайы пәндер оқытушысы Әсел Ғалиасқарова «Үздік педагог» республикалық байқауының жеңімпазы атанды.
Он жылдан бері аталмыш колледжде ұстаздық етіп жүрген Әсел Нариманқызы білікті де білімді жан. Ізденімпаз ұстаз 2016-2017 оқу жылында колледж оқытушыларының білім деңгейлерін бағалау рейтингінің қорытындысы бойынша I орынды иеленсе, 2016 жылы «Кәсіпқор» Холдингі» КЕАҚ-ның штаттан тыс тренері атанды. 2017 жылы «Мәңгілік Ел тірегі – Жастар» жас мамандардың облыстық слетінің «Ұтқыр маман» номинациясының иегері болса, биыл техникалық және кәсіптік білім беру ұйымдарының инженер-педагогтары арасындағы «Әдістемелік идеялар фестивалі» облыстық байқауының жүлдегері атанды. «Үздік педагог» облыстық байқауының жеңімпазы. Әселдің әр жылдардағы еңбегі еленіп, 2013 жылы Қазақстан Республикасының Білім және ғылым министрлігінің құрмет грамотасын, 2014 жылы техникалық және кәсіптік білім беру бойынша республикалық оқу-әдістемелік кеңестің алғыс хатын иеленді. 2016 жылы «Техникалық және кәсіптік білімді дамыту және біліктілікті берудің республикалық ғылыми-әдістемелік орталығы» АҚ-ның құрмет грамотасына лайық деп танылды. Өткен жылы Батыс Қазақстан облысы Білім басқармасының Құрмет грамотасын алған. «Өз уақытын аямай, өзгенің бақытын аялап жүрген» еңбекқор Әсел Нариманқызының әлі де талай белестерді бағындырарына әріптестері де нық сенімді.
Кәусар БАЙҒАЛИЕВА
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу