КіруСАУДА ОРТАЛЫҚТАРЫ, БАЗАРЛАР ЖЕКСЕНБІДЕ ЖҰМЫС ЖАСАМАЙДЫ – ЖАҢА ҚАУЛЫ
Бүгін, 18 наурыз күні БҚО-да карантиндік шектеу шараларын күшейтуге қатысты жаңа қаулы шықты. БҚО бас мемлекеттік санитариялық дәрігері М.Арыспаев қол қойған қаулыға сәйкес, азық түліктік және азық-түліктік емес базарлар, сауда орталықтары жексенбі күндері жұмыстарын тоқтатуы тиіс. Шектеу 20 наурыздан бастап қолданысқа енгізіледі.
Қаулыда көрсетілгендей, азық-түлік және азық-түлік емес ашық базарлардың жұмыс кестесі сағат 09.00-ден 17.00-ге дейін жұмыс жасайды. ҚР Бас мемлекеттік санитариялық дәрігерінің 2020 жылғы 25 желтоқсандағы №67 «Қазақстан Республикасының халқы арасында короновирустық инфекция ауруының алдын алу жөніндегі шараларды одан әрі күшейту туралы» Қаулысының (бұдан әрі – ҚР МБСД №67) талаптарын сақтауы тиіс. Ал жексенбі күндері жұмысты тоқтатады.
Азық-түлік және азық-түлік емес жабық базарлардың жұмыс кестесі – сағат 09.00-ден 17.00-ге дейін. ҚР БМСД №67 талаптарын сақтауы тиіс. Ал сенбі және жексенбі күндері жұмысты тоқтатады.
Сауда үйлері мен орталықтарының жұмыс кестесі сағат 10.00-ден 23.00-ге дейін. Толтырылуы 1 келушіге 4 шаршы метрден кем емес есебімен объект сыйымдылығының 30 пайызынан артық болмауы керек. Оларда орналасқан азық-түлік супермаркеттері мен дәріханаларды, сұлулық салондарын, химиялық тазартқыштар, гүлдерді сату дүкендерін, фотосалондарды, банктерді (банкоматтарды) қоспағанда, ҚР БМСД №67 талаптарын сақтай отырып, сенбі және жексенбі күндері жұмысты тоқтатады.
Азық-түлік емес дүкендердің (бөлек орналасқан) жұмыс кестесі – сағат 09.00 -ден 18.00-ге дейін, ҚР БМСД №67 талаптарын сақтай отырып жұмыс жасайды.
Қоғамдық тамақтану объектілеріне – ҚР БМСД №67 Қаулысының талаптарын сақтай отырып, жұмыс кестесі сағат 9.00-ден 22.00-ге дейін жұмыс жасауға рұқсат. Толтырылуы 50 пайыздан асырмай, 30 орыннан артық емес, үстелдер арасындағы қашықтық кемінде 2 метр сақталуы қамтамасыз етіледі, бір үстелге отырғызу 4 адамнан аспауы тиіс, ұжымдық, салтанатты, отбасылық және басқа да бұқаралық іс-шаралар өткізілмейді.
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу