Кіру«ӨРТ ҚАУІПСІЗДІГІ» АЙЛЫҒЫ ӨТЕДІ
7 қыркүйекте БҚО әкімінің орынбасары Б.Азбаевтың төрағалығымен төтенше жағдайлар бойынша облыстық комиссияның отырысы өтті. Жиын жұмысына БҚО Төтенше жағдайлар департаментінің бастығы генерал-майор Ж.Жұмашев және оның орынбасарлары подполковник А.Ахметжанов, азаматтық қорғау майоры Н.Таубеков, облыстық басқарма басшылары, Орал қаласының әкімі және видеоконференц байланыс режимінде аудан әкімдері қатысты.
Күн тәртібінде 2018-2019 жылдың күзгі-қысқы кезең жұмысына дайындығы және тасқын кезеңінің бірінші кезектегі іс-шаралары, азаматтық қорғау қызметтерінің Азаматтық қорғаныстың арнайы іс-шараларды орындауға дайындығы баяндалып, облыс аумағындағы суға шомылу және өрт қауіпті кезеңінің барысы туралы айтылды.
БҚО ТЖД бастығының орынбасары А.Ахметжановтың баяндауынша, қыркүйектің 15-і мен 15 қазан аралығына «Өрт қауіпсіздігі» айлығы жүргізілмек.
– Айлық барысында жергілікті полиция қызметімен бірлесе өрттің алдын алу және тұрғылықты жері жоқ тұлғаларды анықтау бойынша жадынамалар мен парақшалар тарату арқылы рейд жүргізу жоспарлануда, – деді А.Ахметжанов өз сөзінде.
Осы уақытта облыстық, қалалық және аудандық азаматтық қорғау қызметтерінің азаматтық қорғаныс желісі бойынша арнайы іс-шараларды орындауға дайындығы, республикалық командалық-штабтық оқу-жаттығуларын, кешенді оқу-жаттығулары мен оқу-жаттығуларын өткізу кезінде тексерілетін болады.
2018 жылдың 1 маусымынан 1 шілдесі аралығындағы суға шомылу және өрт қауіпсіздігі кезеңі туралы баяндаған бойынша азаматтық қорғау майоры Н.Таубеков БҚО ІІД Жергілікті полиция қызметі, Батыс Қазақстан облысы орман шаруашылығы және жануарлар дүниесі аумақтық инспекциясы және «ТДК-42» телеарнасы арасында «Батыс Қазақстан облысы аумағындағы айлық өткізу кезеңіндегі профилактикалық іс-шаралардың жоспары» бекітілгенін мәлімдеді.
– Жоспарды орындау мақсатында Департамент қызметкерлері БҚО ІІД ЖПҚ-ның атты әскер батальонын тарту арқылы Орман шаруашылығы және жануарлар дүниесі аумақтық инспекциясы қызметкерлерімен рұқсат етілмеген от жағуды анықтау үшін апта сайын демалыс күндері рейдтік іс-шаралар өткізді. Бүгінгі таңда ҚР ӘҚтК 367-бабы бойынша жалпы соммасы 360 мың 800 теңге құрайтын 28 әкімшілік хаттама толтырылды, – дейді Н.Таубеков.
Нұрлан Сейдаханұлының айтуынша, бүгінгі таңда облыс бойынша 12 өрт сөндіру бекеті құрылған. Олар өрт сөндіру деполарына шығудың нормативті радиусының шеңберінен тыс орналасқан 42 елді мекенді қорғауды қамтамасыз етеді.
Жиын соңында облыс әкімінің орынбасары Б.Азбаев атқарылған жұмыстарды оң бағалап және алда күзгі-көктемгі кезең мен жылыту маусымы күтіп тұрғанын, халықтың қауіпсіздігін қамтамасыз ету үшін бұл кезеңдерде жұмысты күшейту қажеттігін атап өтті. Сондай-ақ, Бағдат Оразалдыұлы мемлекеттік органдардың және кәсіпорындардың бірқатар басшыларына ҚР ІІМ ТЖК төрағасы және облыс басшылығы атынан алғыс хаттарды табыстады.
«Жайық үні»
Версия для печатиСоңғы жаңалықтар
Жәнібек аудандық сотында 11 жыл бұрынғы өлім фактісін анықтау туралы азаматтық іс қаралды
Оралда жол апаты: үш көлік соқтығысып, жаяу жүргінші жолы тағы да қауіпке айналды!
Тоқаев Қытай үкіметіне 1500 ақбөкен сыйға тарту туралы шешімін жариялады
Батыс Қазақстан облысында энергетикалық әлеуетін арттыру жұмыстары жалғасуда
Об Агентстве по атомной энергии Республики Казахстан
«Әлеуметтік желіде жазылған пікірлерге жауапкершілікпен қарауымыз керек»,- деді Президент кеңесшісі
Пікір үстеу