КіруПОЛИЦИЯ ҚЫЗМЕТКЕРЛЕРІН ЖЕМҚОРЛЫҚҚА ИТЕРМЕЛЕЙТІН ФАКТОРЛАРДЫ АНЫҚТАУ КЕРЕК
28 қаңтар күні облыс әкімі Ғ.Н.Есқалиевтің төрағалығымен Батыс Қазақстан облысының Полиция департаменті қызметінде сыбайлас жемқорлық фактілерінің алдын алу, оларды болдырмау мәселелері бойынша жиын өтті.
Шараға Батыс Қазақстан облысы әкімінің орынбасары С.Р.Егізбаев, Полиция департаментінің бастығы М.Н.Аблазимов, Сыбайлас жемқорлыққа қарсы қызмет басшысының бірінші орынбасары Н.И.Самет, «Ақжайық – Адалдық Алаңы» жобалық кеңсесінің басшысы Ә.Ө.Салиева, мемлекеттік органдар мен БАҚ өкілдері қатысты.
Н.И.Самет өз сөзінде: «Басқа да айтылған ұсыныстармен қатар, Полиция департаментімен бірлесіп, бұрын сыбайлас жемқорлық жасағандары үшін қылмыстық жауапкершілікке тартылған қызметкерлердің психологиялық және криминалогиялық портретін жасақтауды ұсынамын және бұл жұмысқа ғылыми тұрғыдан қажетті эксперттерді кеңінен тарту қажет. Бұл тұлғаларды не біріктіреді, мүмкін олардың қоршаған ортасы, төмен жалақылары, материалдық жағдайлары мен басқа да өмірлік жағдайларын және т.б. анықтау қажет. Бұл бізге сыбайлас жемқорлықты туғызатын жағдайлар мен себептерін терең зерттеп, олар бойынша нақты жүйелі шаралар қабылдауға мүмкіндік береді» – деп атап өтті.
Өз кезегінде М.Н.Аблазимов айтылған ұсыныстарды қолдап, белсенді қоғам өкілдерімен бірлесіп осы бағытта жұмыстар атқаруға дайын екендігін жеткізді.
Шара соңында облыс әкімі Ғ.Н.Есқалиев облыстық Сыбайлас жемқорлыққа қарсы қызмет пен Полиция департаментіне өңірлік ішкі істер органдарында сыбайлас жемқорлықтың алдын-алу және жою бойынша кешенді іс-шаралар жоспарын жасақтауға ұсыныс берді.
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу