КіруПОЛИЦЕЙЛЕРДІҢ КӨМЕГІ (ВИДЕО)
Адамзат баласының жақсылыққа жаны жадырап қуанады, қысылғанда қолтығынан демеген жандардың қайырымдылықтарын ұмытпайды, жанынан шығармайды.
Бүгін, 23 сәуірде Орал қаласы Полиция басқармасы криминалдық полиция бөлімі жеке құрамының бастамасымен дәл осындай ізгі шара жүзеге асты. Жандары жомарт, қолы ашық КПб жедел уәкілдері өз күштерімен көп балалы отбасыларының үйлеріне барып, қайырымдылық көрсетті. Шиеттей бала-шағасы бар, әлеуметтік жағынан аз қамтылған отбасыларына азық- түліктер мен балғындарға тәттілер апарып берді. Отбасылардың бірі балаларымен қуықтай үйді паналаса, келесі отбасы 8 баласымен бір бөлмелі пәтерді жалға алып, қоңыр төбел тірлік кешуде.
Отбасындағы балалар мен аналары бұндай ізгілікке қуанып, жомарт жандардың қамқорлықтарына алғыстарын айтты. Тынымсыз қызметтеріне табыс, отбасыларына амандық тіледі.
Орал қаласы Полиция басқармасы
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу