КіруПӘТЕР АЛЫП БЕРУГЕ УӘДЕ БЕРГЕН
Таяуда Батысқазақстандық тәртіп сақшылары 13 адамды алдап үлгерген алаяқты қолға түсірді.
БҚО ПД полиция қызметкерлері жүргізген «Контрафакт» жедел-алдын іс-шарасы барысында интернет желісі арқылы «мемлекеттік бағдарламамен пәтер алып беремін» деген сылтаумен бірнеше адамды алдап үлгерген 1977 жылғы әйелдің Ақсай қаласының тумасы екені белгілі болды. Ол осы қызметі үшін жәбірленушілерден «Kaspi.kz» қосымшасы арқылы банк карточкасына 350 мың мен 600 мың көлемінде ақша салуларын талап етіп отырған. Жалпы шығын 5 миллион жарым теңгені құрайды.
Қазіргі уақытта ҚК-нің 190-бабына сәйкес қылмыстық іс қозғалып, іс сотқа жолданды.
Облысымыздағы жұмыс іздеп жүрген азаматтар «Жұмысқа орналастырамын» деген алаяқтарға сеніп, табыс таппақ түгіл, талап еткен ақшасын жинап беріп, қолындағы барынан айырылып қалуда. Мұндай қылмыс түрлеріне ер адамдармен қатар, әйелдер де араласып жатады. Мәселен, Атырау қаласының 25 жасар тұрғыны вахталық түрдегі жұмысқа орналастырмақшы болып, әр адамнан кемінде 30-35 мың теңге көлемінде ақша алып, хабарсыз кеткен. Осыған ұқсас 5 эпизод тіркеліп отыр.
Аталған фактіге сәйкес ҚК-нің 190-бабы бойынша сотқа дейінгі тергеп-тексеру жүргізілуде.
Айта кету керек, ағымдағы жылғы 2 айдың қорытындысы бойынша 197 алаяқтық қылмысы тіркелген, өткен жылы осыған ұқсас кезеңде 196 қылмыс есепке алынған екен.
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу