КіруОралдықтар көк байрақты балконда желбіретті
Балконға Ту ілу туралы челленджді оралдықтар да қызу қолдады. Қала тұрғындары көк байрақты балконына іліп, өзгелерге үлгі көрсетті. Орал қаласының тұрғыны Тиышбай Тұртаев бірнеше жыл бойы шаңырағының төрінде ілулі тұрған көк тудың орнын бүгін ауыстырды. Келіншегімен бірге көк байрақты өзі тұратын үйдің ең көрнекті жеріне іліп қойды. Желмен желбіреген көк ту алыстан көз тартып әдемі көрінеді. – Президентіміз Қасым-Жомарт Тоқаев іссапарға шыққан кезде, әлемдік додаларда біздің чемпиондарымыз ел намысын қорғаған кезде біздің көк Туымыз көтерілетін еді. Енді жұмыстан шаршап келе жатқан кезде өзіміздің балконымыздан көк туымызды көріп, бойымызды мақтаныш сезімі кернеп, қазақ елінің азаматы екенімізді сезіне түсеміз,- дейді Орал қаласының тұрғыны Тиышбай Тұртаев. Бұл бастаманы басқа қалалықтар да қолдап әкетті. Жүрек төрінен жол тапқан ұсынысты қолдаған Жадыра дүкеннен туды арнайы сатып алып, үтіктеп, қыртысын жазып, үйдің ең жоғары қабатында желбіретіп қойды. – Жолдасыммен Түркия елінде болдым. Анталияда әрбір үйдің, тіпті автокөліктің, таксилердің ішінде тулар ілулі тұрады. Кеше инстаграм желісінен естіп, өзімнің үйімнің қылтимасынан ілуге бекем болып отырмын,- дейді жерлесіміз
Жадыра Барақова. Жастар да осы бастаманы қолдайды.
Әлеуметтік желі қолданушыларының Республика күніне құрметі ретінде мемлекеттік рәмізіміз – көк байрақты балконға ілу туралы челленджді оралдықтар осылай қабыл алды.
Айнара ИСА
Соңғы жаңалықтар
1,2 млрд теңгенің спорт кешені. Жаңаөмірдегі нысан кімнің қолдауымен салынды?
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу