КіруОРАЛДА ЖАҢА ДЕМАЛЫС ОРНЫ АШЫЛДЫ
Оралда жаңа спорттық туризм базасы пайдалануға берілді. Ашық аспан астында орналасқан туристік кешенде балалар мен ересектердің уақытты пайдалы, қызықты өткізуіне жағдай бар.
Базаны жасақтау үшін бұл аумақ өткен жылы мемлекеттік орман қорынан алынған. Жалпы көлемі – 7 гектар. Орман алқабын бастапқы қалпында сақтау талабымен 10 жылға жалға беріліп отыр.
«Орал» спорт клубының туристік базасы саналатын бұл орында тұрғындардың емін-еркін спортпен айналысуы үшін барлық жағдай жасалған. Жаяу және экстремалды спортқа арналған құрал-жабдықтар, серуен құру үшін велосипедтер, қайықтар да табылады. Бұл базада жазғы спорт түрлерімен қатар қысқы спортты дамытуға көңіл бөлінбек. Ал басты нысан – арқанды саябақ.
Жаңа демалыс орны бір ай ішінде құрылып, тапсырылып отыр. Су тартылып, жарықтандырылған. Спорттық туризмге арналған 18 кезеңді кедергілер орнатылған. Бұл – жобаның бірінші кезеңі бойынша атқарылған жұмыстар. Қалалық дене шынықтыру және спорт бөлімі басшысы А.Шерғалиевтің айтуынша, екінші кезеңде тұрғындардың ұйымдастырылған орында суға шомылуына жағдай жасау үшін жағалауды дайындау көзделуде.
Салауатты өмір салтын ұстануда спорттың орны ерекше. Сондай-ақ қала тұрғындарының бос уақыттарын таза ауада өткізуі үшін қолайлы жағдай жасалуының маңызы зор. Осы мақсатта ашылып отырған жаңа демалыс аумағы қала тұрғындары мен қонақтарының сүйікті орындарына айналатыны сөзсіз.
Елмұра АСХАТҚЫЗЫ,
zhaikuni.kz
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу