КіруОРАЛДАҒЫ ПОЛИГОНДАР ҚАРҒА ТОЛДЫ
Орал қаласындағы екі қар төгетін полигон қарға толып қалды. Бұл туралы «Жайық таза қала» ЖШС директоры Ринат Нұрғалиев мәлімдеді. Яғни жауын-шашынның көптігінен, үшінші қар тасу орны да енді ақ ұлпаға толуы мүмкін. Өйткені синоптиктер алдағы демалыс күндері қар аралас жаңбыр жауатынын болжап отыр.
Алдыңғы жылмен салыстырғанда биыл ақ ұлпа әлдеқайда көп түскен. Екі полигонға шығарылған қардың көлемі 603 мың тоннадан асқан.
– Үшінші орын «Жұлдыз» шағын ауданындағы Тәуелсіздік көшесі бойындағы полигон. Аталмыш орынға 2012-2017 жылдары қар шығарылған. Қазір Тұрғын үй коммуналдық шаруашылық бөлімі арқылы хаттама толтырылып, рұқсат алдық. Енді қала қары сол орынға тасылатын болады деді,– «Жайық таза қала» ЖШС директоры Ринат Нұрғалиев.
Қала бойынша бүгінде 300 жұмысшы мен 120 техника су тасқынының алдын алуға дайын. Арықтарды аршу өткен айда басталған. Бұл жұмысқа «Жайық таза қала ЖШС-нің» 350 қызметкері мен 120 техника жұмылдырылыпты. Тазарту мен қарды шығару тәулік бойы жүруде. Оралдағы үлкен және кіші айналма арықтар желісі 7360 метрді құрайды. Тазарту кезінде өткен жылдардағы тәжірибе негізге алынады, яғни су басу қаупі бар аумақтар бірінші кезекте аршылады.
Айнара ИСА,
zhaikuni.kz
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу