КіруОралда тұрғын үйге мұқтаж азаматтарға жаңа пәтер кілттері табысталды
Орал қаласында тұрғын үйге мұқтаж азаматтарға жаңа пәтер кілттері табысталды. Қуанышты сәтке жиналған тұрғындарды Орал қаласының әкімі Мұрат Байменов құттықтап, баспаналы болған отбасыларға ізгі тілегін жеткізді.
Screenshot
Салтанатты рәсім «Ақжайық» шағын ауданында бой көтерген жаңа көпқабатты тұрғын үйде өтті. Аталған үйдің құрылысын «Болашақ-Т» ЖШС жүргізген. Бұл жолы тұрғын үй кезегінде тұрған 67 отбасы қоныс тойын тойлауға мүмкіндік алды.
Жаңа пәтерлер Қазақстан Республикасының қолданыстағы заңнамасына сәйкес, белгіленген тәртіппен берілді. Баспаналы болғандардың қатарында көпбалалы және толық емес отбасылар, мүмкіндігі шектеулі азаматтар, жетім балалар, бюджет саласының қызметкерлері және өзге де әлеуметтік санаттағы тұрғындар бар.
Шара барысында қала әкімі Мұрат Байменов бұл күннің тұрғындар үшін ғана емес, қала үшін де маңызды оқиға екенін атап өтті. Оның айтуынша, «Ақжайық» шағын ауданы алдағы уақытта Орал қаласының дамып келе жатқан ірі әрі қолайлы аудандарының біріне айналмақ.
– Бүгін бәріміз қуанышты сәттің куәсі болып отырмыз. «Болашақ» компаниясы 80 пәтерлі үйдің құрылысын аяқтап, бүгін сол пәтерлердің кілтін табыстаудамыз. «Ақжайық» шағын ауданында жолдар салынып, су және кәріз желілері тартылды. Қазіргі таңда №9 маршрут тұрғындарға қызмет көрсетіп жүр. Бұл аумақта әлі де көптеген тұрғын үйлер салынады. Сонымен қатар шағын ауданда аурухана мен екі мектеп бой көтереді. Яғни бұл аудан алдағы уақытта өзін-өзі толық қамтитын, тұрғындарға қолайлы шағын аудан болады. Ай сайын осындай жақсы жаңалықпен кездесіп келеміз. 20 мамыр күні тағы бір үйдің кілтін табыстау жоспарланып отыр,- деді қала әкімі Мұрат Байменов.
Бүгінде Орал қаласында тұрғын үй құрылысы қарқынды жүргізіліп келеді. Әлеуметтік осал топтарды, тұрғын үй кезегінде тұрған азаматтарды баспанамен қамту бағытында мемлекеттік бағдарламалар аясында жүйелі жұмыстар атқарылуда. Қала аумағында жаңа көпқабатты тұрғын үйлер бой көтеріп, инженерлік инфрақұрылым да қатар дамып келеді.
Айта кетейік, 2026 жылы Орал қаласында әлеуметтік осал топтарға арналған 200 жалдамалы пәтер және 1000 несиелік пәтер сатып алу жоспарланған.
Жаңа баспанаға ие болған тұрғындар үшін бұл күн көптен күткен қуанышты сәтке айналды. Өз шаңырағының кілтін қолына алған әр отбасы үшін бұл – жаңа өмірдің, жаңа үміттің және жарқын болашақтың бастауы.
Ә.Бақытжанқызы
Screenshot
Screenshot
Screenshot
Соңғы жаңалықтар
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Мемлекет басшысы теннисші Елена Рыбакинаны «Әлемнің бірінші ракеткасы» атағына ие болуымен құттықтады
Қазақстан статистика саласында ЭЫДҰ халықаралық стандарттарына сәйкестіктің жоғары деңгейіне қол жеткізді
Президент Республики Казахстан Касым-Жомарт Токаев на днях дал эксклюзивное письменное интервью агентству Синьхуа
Теміржол саласында сыбайлас жемқорлықтың алдын алу мәселелері талқыланды
