КіруОРАЛДА МҰЗДА СЫРҒАНАУ МАУСЫМЫ АШЫЛДЫ
Тұңғыш Президент күні оралдықтар Некрасов көшесінің бойындағы жасанды бассейндегі мұз айдынында жаппай сырғанауға жиналды.
Жаңа маусымның ашылуымен облыстық дене шынықтыру және спорт басқармасының басшысы Қаймен Есендияров пен қала әкімінің орынбасары Бақытжан Нарымбетов құттықтады. Бұдан соң демалушылар арасында ойындар ойнатылып, сыйлықтар табыс етілді.
Қалада аталған мұз айдынан бөлек ашық аспан астындағы 40-қа жуық мұз айдыны құйылады. Қазіргі таңда бұқараға берілетін орындарды дайындау жұмыстары жүргізілуде. 4 желтоқсан күні қалада тағы бірнеше орында мұз айдындары ашылмақ.
Орал қалалық дене шынықтыру және спорт бөлімінің мәліметінше, қысқы маусымда «Орал» спорт клубының теңгеріміндегі 12 мұз алаңын құйылып, коньки тебу алаңдары ашылады.
Мекенжайлары:
- Строитель шағынауданы, 43-үйдің ауласы
- Ықсанов көшесі, 87-үйдің ауласы
- Матросов көшесі, 52, 54-үйлерінің ауласы
- Құрманғазы көшесі, 150-үй ауласы
- Н.Назарбаев даңғылы 203-үй ауласы
- Ларин көшесі, 10-үй ауласы
- 5 шағынаудандағы 5-7-үйлердің ауласы
- 6 шағынаудандағы, 66-үй ауласы
- Орал спорт клубы
- Құс фабрикасы ауданы
- Балауса шағынауданындағы Қалменов/Жұмыр-Қылыш көшелері.
- Қалалық мәдениет және демалыс саябағындағы Шаған өзенінің оң жағалауы.
Сондай-ақ Тұңғыш Президент алаңында, қалалық мәдениет және демалыс саябағында, салық комитеті (бассейні), Мұз айдыны спорт сарайы (хоккей қорапшасы), Жастар және Стеновик стадиондарында, Мұз айдыны спорт сарайында, Атамекен, Самал, Светлячок және Евразия туристік базаларында, сондай-ақ 12 ЖОББМ аулаларында мұз алаңдары ұйымдастырылып, өз жұмыстарын атқаратын болады.
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу