КіруОРАЛДА ҮЙ ӨРТЕНІП, ЕКІ АДАМ КӨЗ ЖҰМДЫ
Оқыс оқиға кеше, 11 желтоқсан түнгі уақытта болған.
БҚО ТЖД баспаөз қызметінің хабарлауынша, сағат 23.17-де «ҚР ТЖМ БҚО ТЖД ӨС және АҚЖҚ (Орал. қ)» ММ күштер мен құралдарды жедел басқару орталығына Куличев көшесі, 13 мекенжайында орналасқан жеке тұрғын үйден өрт шыққаны және үйдің ішінде екі адам қалып қойғаны жөнінде хабар түскен.
Өрт жұмыстарын барлау кезінде жалпы ауданы 80 шаршы метрді құрайтын, саман тастан тұрғызылған үйдің төбе жабыны, едені, жеке заттары және жиһаз жанғаны анықталды. Өртті сөндіру кезінде үйден 2 адамның өлі денесі табылды. Олар – 1953 жылы туған В есімді азамат пен 2012 жылы туған М есімді бала.
Сонымен қатар 1-2 дәрежелі күйік және орташа ауырлықтағы улы газбен уланумен 1977 жылғы А. есімді азамат Орал қаласы мединициналық жедел-жәрдем биргадасының көмегімен көпбейінді қалалық ауруханасына және орташа ауырлықтағы улы газбен улану, жіліншігі мен білегінің кесілген жарасымен 2016 жылы туған К. есімді қыз бала мединициналық жедел-жәрдем биргадасының көмегімен қалалық көпбейінді балалар ауруханасына жатқызылды. Оларды күштер мен құралдардың келуіне дейін 1974 жылғы «Өрт сөндіру және авариялық құтқару жұмыстары қызметі (Орал.)» ММ зейнеткері Мұрат Баев құтқарып қалған.
Өрт сөндірушілер оқиға орнынан 27 литрлік газ баллонын эвакуациялады.
Өрттің болжамды себебі – пештерді пайдалану кезінде өрт қауіпсіздігі ережесінің бұзылуы. Өрт сағат 23.57-де оқшауланып, сағат 00.38-де толық жойылды. Оқиға орнында Қызметтің 6 техникасы мен жеке құрамның 16 қызметкері жұмыс атқарды.
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу