КіруОРАЛДА ИНТЕРНЕТ-КАЗИНОЛАРДЫҢ ЖҰМЫСЫНА ТЫЙЫМ САЛЫНДЫ
Орал қалалық прокуратурасы сот арқылы 6 интернет-казиноға (777-azino.ru, 777faraon.org, casinoroom.com, elfarts.com, va-bank7.com и vulkanroyal.net) тыйым салды.
Қазақстан Республикасының аумағында заңмен электрондық казино және интернет-казино қызметіне тыйым салынғанына қарамастан, аталған сайттар нақты уақыт режимінде құмар ойындарын өткізген.
Мысалы, vulkanroyal.net сайтында казино, автомат, слот, рулетка, покер және басқа да құмар ойындардың 30-дан астам түрін ойнауға және Qiwi, Webmoney, Visa, Mastercard, Maestro, ATF24, Касса24 ақша төлемдерінің сервистары арқылы ұтысты алуға болады.
Осы орайда Орал қалалық прокуроры сотқа vulkanroyal.net сайтын заңсыз деп тану туралы талап арыз беріп, ол 2019 жылғы 12 ақпанда қанағаттандырылды.
Батыс Қазақстан облысы прокуратурасының мәліметінше,26 наурызда Ақпарат және қоғамдық даму министрлігімен сайт жабылды. Дәл осылай басқа да интернет-казинолардың жұмысы тоқтатылды.
Сонымен қатар, өткен жылы прокуратура мен мемлекеттік кірістер органдарының бірлескен жұмысының арқасында Орал және Ақсай қалаларында заңсыз ұйымдастырылған 9 ойын залдары жабылды.
Кінәлі 5 тұлға Қылмыстық кодексінің 307-бабымен (заңсыз ойын бизнесін ұйымдастыру) қылмыстық жауапкершілікке тартылып, 44 компьютерлік техника мен 800 мың. теңге ақша мемлекет пайдасына тәркіленді.
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу