КіруОРАЛДА БАУ-БАҚША ӨСІРУ ЛАГЕРІ ЖҰМЫСЫН БАСТАДЫ
Бүгін, 8 мамыр күні балаларды еңбекке тәрбиелейтін жаңа лагерь салтанатты түрде бастау алды.
«Жасыл желек әлемінде» атты бау-бақша лагері БҚО әкімі Ғ.Есқалиев ұсынған «Менің аулам – менің бағым» жобасы аясында қолға алынып отыр. Осы орайда қала әкімдігінің қолдау көрсетуімен Мәдени-ағарту бірлестігіне қарасты «Арай» комьюнити орталығы ауласынан (Ет комбинаты ауданындағы орналасқан) арнайы орын дайындалған. Мұнда аула клубтары мен комьюнити орталық тәрбиеленушілері еңбек етпек.
Жаңа лагерьдің ашылуына қала әкімінің орынбасары Ерлан Ғалиев қатысты. Шарада балаларды жазғы демалыс кезеңіндегі бос уақыттарын еңбек лагерінде тиімді пайдалануға шақырып, игі бастамаға сәттілік тіледі.
Бүгін бақшаға қарбыз, қауын, қызынақ, қияр, аскөк, ақжелкен, баялды, сәбіз сынды көкөністер егілді.
Қалалық Мәдени-ағарту бірлестігі директорының орынбасары Бекей Қанатовтың сөзінше, лагерьде 48 бала қамтылады. Олар кезекшілікпен мамыр-тамыз айлары аралығында бақшаны күтіп-баптаумен айналысады. Ал күзде өнімдерді өздері бөлісіп алмақ.
Елмұра АСХАТҚЫЗЫ,
zhaikuni.kz
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
Пікір үстеу