КіруОРАЛ САЯБАҒЫНА ЖАҢА АТТРАКЦИОН ОРНАТЫЛАДЫ
Бүгін кешкі сағат 20.25-те қалалық мәдениет және демалыс саябағындағы Шолу дөңгелегінде (Колесо обозрения) техникалық ақау орын алып, аттракцион тоқтап қалған.
Биіктігі 24 метрлік аттракционда үлкендермен бірге балалар да болған.
Облыстық төтенше жағдайлар департаментінің баспасөз хатшысы Жәдігер Құсайыновтың хабарлауынша, оқиға орнына департаменттен және департаментке қарасты жедел құтқару жасағынан – барлығы 18 қызметкер, 8 техника жіберіліп, олар 18 адамды автобаспа арқылы төменге түсірді. Құтқарылғандардың алтауы бала.
Саябақ басшысы Бек Жәңгіровтың түсіндірунше, негізгі аттракцион жетегінің сымарқаны тістеліп қалған. Қазір жағдай реттелді. Келушілерден ешқандай наразылық жоқ.
Бұған дейін қалалық саябақта заманауи, жайлы аттракцион орнатылатыны айтылған болатын. Жоба өткен жылы мақұлданған. Б.Жәңгіров қазіргі уақытта биіктігі 36 метр болатын жаңа аттракцион үшін орын қарастырылып жатқанын жеткізді. Яғни, болашақта саябақта жаңа «Шолу дөңгелегі» пайда болады.
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу