КіруОрал қаласының әкімі Мұрат Рахметұлы Мұқаевтың қала тұрғындарына ҮНДЕУІ
Құрметті Орал қаласының тұрғындары!
2018-2019 жылғы қысқы маусымда әр отбасында жылулық пен тыныштық болу барша қала тұрғындарының ортақ мақсаты болуы тиіс. Бұл бағытта қала әкімдігі мен қаламыздың тиісті коммуналдық мекемелері әр уақытта жауапкершілікті сезініп, тұрғындармен өзара ынтымақтастықта жұмыс жасайды. Коммуналдық қызметтің ақысы уақытылы төленбеуіне байланысты кейбір уақытта ыстық су беруді уақытша өшіру жағдайлары орын алғанын білеміз. Бұл – өте өзекті мәселе. Әсіресе қала тұрғындарының күнделікті тыныс-тіршілігіне қажетті жылу, су, электр қуаты және газбен үздіксіз қамтамасыз ету әр уақытта да маңызды. Дамыған Еуропа елдерінде пәтер немесе жеке тұрғын үй иесі ғана емес, сол мекенжайға уақытша тіркеуде тұрған әрбір жеке тұлға тиісті коммуналдық қызмет мекемесімен келісімшартқа отырады. Келісімшарт бойынша көрсетілген уақытта ақы төленбесе тиісті қызметті беру тоқтатылады. Біздің қаламызда да тұтынушы мен коммуналдық қызмет ұйымының арасындағы келісімді уақытылы және құрметпен орындау мәдениетін қалыптастыру заман талабы.
Мен де, Сіздер сияқты қала тұрғыны ретінде, ай сайынғы коммуналды қызмет ақысының уақытылы төленуін басты назарда ұстаймын. Сондықтан осы үндеуімді барша қала тұрғындарына арнай отырып, жылу беру маусымында және одан кейін де пайдаланылған коммуналдық қызметтерге ақыны уақытылы төлеп, есеп айырысып отыруларыңызды сұраймын.
Қаламыздың алдағы уақытта одан әрі көркейіп, әрбір тұрғынның қалыпты тіршілігін қамтамасыз ету – баршамыздың ортақ міндетіміз екенін ұмытпайық.
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу