Кіру29 Наурыз 2021 1514 0
ӨзекОРАЛ ҚАЛАСЫ ӘКІМІ ШАҺАР ТҰРҒЫНДАРЫН ТӘРТІПКЕ БАҒЫНУҒА ШАҚЫРДЫ
Орал қаласы әкімі Абат Шыныбеков facebook әлеуметтік желісіндегі парақшасында қала тұрғындарына үндеу жасады.
«Құрметті қала тұрғындары, өздеріңізге мәлім, қазір Батыс Қазақстан облысы «қызыл» аймақта. Осыған байланысты облыстың бас санитарлық дәрігерінің қаулысы бойынша бірқатар карантиндік шектеулер енгізілді. Қала бойынша эпидемиялогиялық ахуал тұрақты емес. Жыл басынан бері қала бойынша 3466 адамда Covid-19 тіркелген. Кеше, бір күннің ішінде 78 адамда коронавирус инфекциясы анықталған. 2021 жылы қалада аталған індет жұқтырған 56 адам көз жұмды. Медициналық қызметкерлер бір жылдан астам уақыт аурумен алдыңғы шепте күресуде. Алайда ауру бәсеңсімей тұр. Қазіргі уақытта аурудың өсу деңгейі 0,9 пайызды құрап отыр. Қалада той-томалақ пен басқосуларды болдырмау үшін мониторингтік топтардың жұмыстары күшейтілді. Рейдтік шаралар көптеген нысандардың санитарлық-эпидемиялогиялық нормаларды қатаң сақтамайтынын көрсетіп отыр. Биылдың өзінде мониторингтік топтармен шектеу шараларын бұзған 94 жағдай анықталды. Жолаушы тасымалымен айналысатын қоғамдық көліктерді де тексеру нәтижесінде санитарлық талаптарды бұзған жүргізушілерге айыппұлдар салынды. Бұл тұрғындар тарапынан сақтық шараларына әлі де жете мән берілуі қажеттігін білдіреді. Жұмыс істеуге рұқсат берілген барлық еңбек ұжымдарында сақтық шараларын қатаң сақтау қажет», – деп жазды Абат Шыныбеков.
Сондай-ақ шаһар басшысы енгізілген карантиндік шектеулерді сақтау, қабылданған тәртіпке бағынудың маңыздылығын жекізіп, тұғындарды бейғамдық танытпауға шақырды.
«Ардақты ағайын, Бауыржан Момышұлы «Тәртіпсіз ел болмайды, тәртіпке бағынған құл болмайды» деген екен. Баршаңыздан карантиннің маңыздылығын түсініп, бейғамдық танытпауыңызды сұраймын. Мамандар аурудың алдын алудың ең тиімді шарасы — мейлінше оқшаулану екенін айтады. Қазіргі таңда жиын-тойларды өткізуге тыйым салынғанымен, жасырын отырыстар тыйылар емес. Індеттің көпшілік орындарда таралу қаупі жоғары екенін баршаға аян. Коронавирус инфекциясы туралы ақпарат БАҚ беттерінде, әлеуметтік желілерде жиі жариялануда. Сондықтан көпшілік орындарға, ойын-сауық, сауда орталықтарына баруды мүмкіндігінше азайтқан абзал. Жұмыс істеуге рұқсат берілген барлық еңбек ұжымдарында сақтық шараларын қатаң орындау қажет. Әулетіміздің, отбасымыздың, ұрпағымыздың, ата-анамыздың, ел-жұртымыздың аман-саулығы үшін тәртіпке саналы бағынайық, ағайын. Өзіңізді және жақындарыңызды қорғаңыз», – деді Абат Абайұлы.
Соңғы жаңалықтар
Қалалықтар қаперіне
Құқық бұзушылыққа жол бермейтін Telegram чат боты іске қосылды
11 Қазан 2024
3487 0
Пікір үстеу