КіруОРАЛ ҚАЛАСЫ ӘКІМІ: «АЗЫҚ-ТҮЛІКТІҢ БІРНЕШЕ АЙҒА ЖЕТКІЛІКТІ ҚОРЫ БАР»
Батыс Қазақстан облысында 19 түрлі әлеуметтік маңызды азық-түліктің бірнеше айға жеткілікті қоры бар. Бұл туралы бүгін өңірлік коммуникациялар қызметі алаңында өткен төтенше жағдайдың енгізілуіне байланысты жергілікті атқарушы органдар тарапынан қабылданған іс-шаралар туралы брифингте Орал қаласы әкімі Абат Шыныбеков айтты.
Қала әкімі Абат Шыныбеков атап өткендей, мемлекет басшысы және облыс әкімінің тапсырмасына сәйкес Орал қаласында төтенше жағдай кезінде шұғыл әрекет ететін штаб құрылып, бес бағытта жұмыс жүргізуде. Соның бірі бағыты – азық-түлік бағасына мониторинг жасау.
– Қала әкімдігінің маманадары, облыстық басқарма басшылары және волонтерлер күнделікті барлық дүкен-супермаркеттер мен базарларда бірінші кезектегі қажетті тауарлар бағасына мониторинг жүргізуде. Облыс бойынша 19 түрлі әлеуметтік маңызды азық түліктің бірнеше айға жеткілікті қоры бар. Тапшылық жоқ. Сондай-ақ мемлекеттік органдар облыс аумағындағы барлық сауда нүктелерін тиісті азық-түліктермен қамтамасыз ету үшін мемлекеттік бюджеттен қаржы бөлуде. Тиісті мөлшердегі қор жасақталуда. Қазіргі уақытта маңызды тауарлардың шекті бағалары да белгіленген. Осы орайда тұрғындарымыз төтенше жағдай кезінде бағаны негізсіз өсіру, санитарлық талаптарды сақтамау фактілерін байқаған болса, 8 700 0 109 109 whatsApp нөміріне хабарлауларына болады, – деді Абат Абайұлы.
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу