КіруНАУҚАС АУРУХАНАНЫ ӨРТЕДІ
Батыс Қазақстанда науқас аурухананы өртеп жіберді. Оқиға кеше Тасқала ауданында тіркелді.
Батыс Қазақстан облысы Төтенше жағдайлар департаменті мамандарының хабарлауынша, 17 ақпан күні сағат 5.41-де өрт сөндіру бөліміне Тасқала аудандық орталық ауруханасының екінші қабатында 8 палатаның өртеніп жатқаны туралы хабарлама келіп түскен. 42 жастағы науқастың төсенішке от қойып, өзі екінші қабаттың терезесінен секіріп, ізін суытқан. Өрттің ауданы 15 шаршы метрді құрады. Тілсіз жауға 06.16-да тосқауыл қойылған. Қызыл жалынды жоюға үш техника мен 11 өрт сөндіруші жұмылдырылған.
Осы орайда БҚО ПД баспасөз қызметінің жетекшісі Болатбек Белгібеков құқық бұзған Тасқала ауылының 1978 жылғы тұрғынын құрықтап, облыс орталығындағы психиатриялық ауруханаға орналастырылғанын мәлімдеді. Тергеу амалдарын Тасқала Полиция бөлімі жүргізуде. Аталған факті бойынша ҚР ҚК-нің 202-бабы 2-бөлімі бойынша сотқа дейінгі тергеу жұмыстары басталған.
Айта кету керек, ауруханадан 20 адам, оның ішінде 4 бала, 8 медициналық қызметкер эвакуацияланған.
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу