Кіру«НЕГІЗГІ ЖҰМЫСЫМЫЗ – ХАЛЫҚТЫҢ САНАСЫН ОЯТУ»
Мэлс СЕМҒАЛИЕВ, «ЖАҢАРУ» сыбайлас жемқорлыққа қарсы жалпыұлттық қозғалысы» Республикалық қоғамдық бірлестігінің Орталық аппарат басшысы:
– Қоғаммен жұмыс жасаған соң тексеру, біреулердің соңынан шам ала түсу секілді жұмыстармен айналыспаймыз. Халықтың мүддесін, мұң-мұқтажын тыңдап, естіп, жоғары басшыларға жеткізу. Мемлекеттік органдармен халық арасын жалғастыратын «алтын көпір» іспеттіміз. Әр адамда шешілмейтін мәселе болады. Соны нақты шешуге атсалысамыз. Мысалы, Қызылорда қаласында өткен жылы қарапайым еден жуушы азаматша филиалымызға келіп, еңбекақысының аз екенін айтты. Қызметкерлеріміз тексеру жүргізді. Шын мәнінде, жұмыс беруші 30 пайызға төмен жалақы беріп отырғанын анықталды. Азаматшаның мүддесі қорғалып, жалақысы көбейтілді. Мұндай мысалдар әр облыста бар. Мемлекеттік қызметкерлердің де көбісі заңды дұрыс білмейді. Бұл мәселені әлі күнге көтеріп келеміз. Сыбайлас жемқорлыққа қарсы іс-қимыл мәселелері бойынша ҚР заңнамасының біз келіспейтін тұстары бар. Соны сараптап, ұсыныстар енгізіп, мемлекеттік органдарға, депутаттарға жібердік. Былтырғы жылдың маусым айынан бері Парламенттің қабырғасында заң жобасы жатыр. Бұл заңға өзгерістер енгізілуін қоғам күтіп отыр, яғни 27 заң, соның ішінде 9 кодекс, 18 заң жаңартылуы керек.
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу