КіруМемлекеттік қызмет пен ел қорғандарына құрмет
Маусымның 23-күні қалалық әкімшіліктің үлкен залында мемлекет қызметші және полиция күніне орай қала әкімі Миржан Сатқановтың қатысуымен салтанатты жиын болды.
Шарада құттықтау сөз сөйлеген шаһар басшысы Миржан Мұнайдарұлы: Баршаңызды бүгінгі қос мереке-Мемлекеттік қызметші және Қазақстан полициясы күнімен шын жүректен құттықтаймын! Өздеріңіз білетіндей, бүгінде Орал қаласы әкімдігінде 1 әкім аппараты, 13 құрылымдық бөлім, 3 кенттік және 1 селолық округ жұмыс жасайды. Оларда 200-ден астам мемлекеттік қызметші қоғам мен мемлекет тарапынан көрсетілген сенім үдесінен шығу үшін талмай еңбектенуде. Қала әкімдігінен бөлек қаламызда кірістер басқармасы, санитарлық-эпидемиологиялық бақылау басқармасы сияқты өзге де салаларда мемлекеттік қызметшілер еселі еңбек етуде.
Еліміздің гүлденуіне, тұрғындардың әл-ауқатының өсуіне сүбелі үлес қосып келе жатқан әріптестеріме зор алғыс білдіремін. Орал қаласындағы 1000- ға жуық полиция қызметкерлері жауапты міндеттерді атқарып, халықтың тыныс-тіршілігі үшін маңызды нысандарды күзетуге, қауіпсіздік шараларын қамтамасыз етуге белсене атсалысып, отансүйгіштік пен мемлекетшілдіктің жарқын үлгісін көрсетуде.
Өздерінің қызметтік міндеттерін кәсіби жоғары біліктілікпен мінсіз орындап жүрген тәртіп сақшыларына ризашылығымды білдіремін,-деген тілегінен кейін қала әкімі Миржан Сатқанов бір топ Мемлекет қызметші мен полиция қызметкерлерін Алғыс хатпен марапаттады.
Гүлжан Аязбаева
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу