МЕМЛЕКЕТТІК САТЫП АЛУ ОРТАЛЫҚТАНДЫРЫЛАДЫ

Бұдан былай білім, спорт, табиғи ресурстар және табиғатты пайдалануды реттеу бөлімдері, сондай-ақ жұмыспен қамтуды үйлестіру және әлеуметтік бағдарламалар бөлімі шарикті қаламнан бастап, қызмет көрсететін көліктердің шиналарына дейін жалпы лоттармен, бірыңғай бағамен, бір жеткізушіден сатып алады. Бұл туралы бүгін өңір басшысы Ғали Есқалиевтың төрағалығымен өткен апталық лездемеде облыстық мемлекеттік сатып алу басқармасының бастығы Бибігүл Ниетқалиева мәлімдеді.

Басқарма басшысының айтуынша, бюджет қаражатын пайдалану тиімділігін арттыру мақсатында облыс әкімінің тапсырмасы бойынша бюджеттік бағдарламалар әкімшілері мен олардың құрылымдық бөлімшелерінің мемлекеттік сатып алудың жылдық жоспарларына талдау жүргізілген. Талдау нәтижесінде әр мемлекеттік мекемеде бірдей тауарлар мен қызметтерді бюджет ақшасына әртүрлі бағамен сатып алу фактілері орын алған.

– Мысалы, мектепке арналған кеңсе тауарларын сатып алғанда, әр мектепте баға айырмашылығы әр түрлі. Қаламның құны біреуінде 5-7 есеге дейін жоғары болуы мүмкін. Сонымен қатар баға айырмашылығы айтарлықтай болатын қызметтер бар. Мысалы, жобалық қуаты бірдей екі мектепте санитарлық қызметтердің бағасы (дезинфекция, дезинсекция және т.б.) 19260 теңгеден 94 160 теңгеге дейін өзгереді. Негізгі қызметтер бірдей болғандықтан, сатып алынатын тауарлар мен қызметтердің көп бөлігі бірдей болуы керек. Бүгінгі күні бюджеттік бағдарламалар әкімшілері мен олардың құрылымдық мекемелерінің жыл сайынғы мемлекеттік сатып алуларында жоғарыда аталған фактілерді болдырмау үшін бюджеттік әкімшілер арқылы орталықтандырылған сатып алуды ұйымдастыру қажет болып отыр. Бюджеттік ұйымдардың әр түрлі лот атауларымен мүлдем бірдей қызметтерді алу фактілері бар. Мысалы, мектептер аумағын тазалау қызметі, қызметкерлерді медициналық тексеруден өткізу, ақпараттық жүйелерді техникалық қолдау бойынша қызметтер, – дейді Бибігүл Ниетқалиева.

Алдағы уақытта аталған төрт бюджеттік мекеме Мемлекеттік сатып алуға ұсынылған тауарларды делдалсыз төмендетілген бағамен сатып алу арқылы бюджет қаражатын оңтайлы және тиімді жұмсауға, сыбайлас жемқорлық тәуекелдерін азайтуға және бюджеттік ұйымдарды өздеріне сәйкес келмейтін функциялардан босатуға мүмкіндік алады.

– Мемлекеттік сатып алуды орталықтандыру маңызды мәселе. Біз бұл жұмысты жылдың басынан жүргізіп келеміз, тиісті министрліктерге бірқатар хаттар, нормативтік құқықтық актілерге өзгерістер енгізу туралы өтініштер, ұсыныстар жолдадық. Енді мемлекеттік сатып алу бөлімінің бастығы хабарлағандай, ведомстволық бағыныстағы ұйымдары бар 4 бөлім – білім, спорт, табиғи ресурстар және табиғатты пайдалануды реттеу бөлімдері, сондай-ақ жұмыспен қамтуды үйлестіру және әлеуметтік бағдарламалар бөлімі үшін мемлекеттік сатып алулар облыстық деңгейде жүзеге асырылады, – деген облыс басшысы Ғали Есқалиев бюджеттік ұйымдардың көпшілігінде мыңдаған мемлекеттік сатып алулар бір көзден жүзеге асырылғанын және ұйымдардың қызметті қандай бағамен сатып алатынын есепке алмауына әкеп соқтырғанын атап өтті, – Жаңа жылдан бастап бұлай болмайды. Барлық басқармалар үшін әр бағыт бойынша бірыңғай мемлекеттік сатып алу жоспары құрылады. Осының нәтижесінде әр бөлімнің әр түрлі лоттары жалпы банкроттық кеңсесіне біріктіріледі. Бұл жаңалық бізге қажетсіз делдалдардан арылуға және ең болмағанда, сатып алынатын тауарлар мен қызметтердің сапасын жақсартуға мүмкіндік береді. Мүмкіндігінше біз бюджеттік ресурстарды да үнемдейміз. Өнімдерді, тауарлар мен қызметтерді жеткізуде мемлекеттік сатып алуларды ашық еткіміз келеді. Мүмкіндігінше жергілікті тауар өндірушілерді осы мемлекеттік сатып алуларға қатысушы ретінде тарту қажет. Лоттар өте аз – бір уақытта бір мектеп немесе бір аурухана. Банкроттықтың ұлғаюына байланысты жергілікті кәсіпкерлер бюджеттік ұйымдарды сатып алуға қызығушылық танытады, – деді Ғали Нәжімеденұлы.

Жиында облыстық мәдениет басқармасының басшысы Сайран Дүйсентегі мемлекеттік қызметшілер жаңажылдық ұжымдық кештердің орнына қайырымдылық шаралар өткізуді көздейтінін жеткізді. Осы мақсатта «Қайырымдылық жасасаң, қайырын өзің көресің» атты акцияға жергілікті атқарушы құрылымдық мекемелер ғана емес, құқық қорғау мекемелері мен аумақтық департаменттердің қызметкерлері де қолдау білдіруде. Күні бүгінде облыс бойынша мемлекеттік қызметшілер 14 млн. теңгеден астам қаражат жинап, 1 100 отбасына азық-түлік себетін таратпақ. Сондай-ақ басқарма сайты арқылы қайырымдылық купондары сатылуда. Жақсылық жасауға асыққандар жомарт жандар «Ел ырысы» базарының әкімшілігіне жолығуларына болады. Осы орайда өңір басшысы аталмыш акцияны 900-ге жуық мемқызметкер қолдап отырғанын тілге тиек етіп, пандемия күшейген кездегі қайырымдылық шарасы жалғасын табатынын, кең көлемде жүргізу керегін атап өтті.

Сондай-ақ облыстық дене шынықтыру және спорт басқармасының басшысы Қаймен Есендияров қазіргі таңда спортсүйер тұрғындарға қала мектептерінің спорт залдары ашық екенін айтып, нақты кестеге сай қалалықтарды бос уақытын тиімді пайдалануға шақырды.

Кәусар БАЙҒАЛИЕВА

Версия для печати