Мектебім – мейірім мекені
Бүгін, қыркүйектің 1-і күні еліміздің барлық мектептеріндегідей, қаладағы №1 білім ұясында алғашқы қоңырау соғылды. Салтанатты жиынға Орал қаласының әкімі Миржан Сатқанов, БҚО Ішкі істер полиция департаментінің басшысы Арман Оразәлиев, қалалық білім беру бөлімінің басшысы Ақжарқын Темірханова қатысты.
Салтанатты жиын алғаш мектеп табалдырығын аттағалы тұрған 1 сынып бүлдіршіндерінің ортаға келуімен басталды. Содан кейін №1 мектеп директоры Аманжол Хайров сөз сөйледі. – Өткен оқу жылы алға қойған міндеттердің іске асып, жетістіктерге толы, табысты жыл болды. Былтырғы оқу жылын 1330 оқушымен, 198 оқу озаты, 499 оқу екпіндісімен аяқтадық. Мектеп оқушыларының 98-нің төртеуі – үздік аттестат,екі мектеп түлегі «Алтын белгі» иегері атанды. Ұжымда 110 мұғалім бар. Ел ертеңі сендерсіңдер шәкірттер, қиялдарың ұшқыр болып, қанаттарың талмасын! Жаңа оқу жылы толағай табыстар әкелсін! – деді мектеп директоры Аманжол Нұрсайынұлы.
№1 жалпы орта білім беретін мектебінде өткен алғашқы қоңырауда қала әкімі Миржан Сатқанов сөз сөйлеп, қазіргі заман мүмкіндіктер заманы, білім аламын деген жастарға барынша жағдай жасалғанын, оқушылардың өз білім ордасының атын шығарып, тек қана жақсы қырынан көріне берулеріне тілектес екенін жеткізді.
Бұдан кейін БҚО Ішкі істер полиция департаментінің басшысы Арман Оразәлиев сөйлеп, облыс бойынша 379 мектепте, қаладағы 65 мектепте кәмелетке толмағандар жөніндегі учаскелік инспекторлар жұмыс жасайтынын мәлім етті.
Шара соңында алғашқы қоңырау сыңғырын 11 сынып оқушылары Әділ Сабыржан, «Алтын белгіге» үміткер Айнұр Дүйсім, 1 сынып оқушылары Айару Бисенғалиева, Алдияр Мақсот соқты.
Гүлжан АЯЗБАЕВА
Суретті түсірген автор
Версия для печати
Соңғы жаңалықтар
![](http://zhaikuni.kz/wp-content/uploads/2024/09/372e8064-191a-4b19-bcff-3e25a956d5ad.jpeg)
«Құқықтық тәртіп» республикалық жедел-профилактикалық іс-шарасы жүруде
![](http://zhaikuni.kz/wp-content/uploads/2024/08/img_0661.jpeg)
Kөмірді өндіру мен барлау бойынша үздік 10 елдің қатарына кіреміз
![](http://zhaikuni.kz/wp-content/uploads/2024/08/img_3337.jpeg)
Оралда полиция тұрғындардың мүлкін ұрлаумен айналысқан күдіктіні құрықтады
![](http://zhaikuni.kz/wp-content/uploads/2024/08/365f9f3b-c81a-4d8c-bbc8-22de127487fb.jpeg)
Пікір үстеу