КіруМАЛ ҰРЛЫҒЫМЕН АЙНАЛЫСҚАН 27 ҚЫЛМЫСТЫҚ ТОП ҰСТАЛДЫ
БҚО аумағында мал ұрлығы 16 пайызға азайған. Нақтырақ айтсақ, 2019 жылы 411 бас малдың ұрлануы тіркелсе, 2020 жылы 344 бас жоғалған.
Тәртіп сақшыларының мәліметінше, көп жағдайда далада қараусыз жайылып жүрген малдар ұрланады. Өткен жылы тіркелген мал ұрлығы қылмыстарының 78,8 пайызы еркін жайылымнан жоғалған, 21,2 пайызы ғана қорадан ұрланған екен. Жүргізілген жедел-іздестіру іс-шараларының нәтижесінде ұрланған малдың 69,4 пайызы иелерін қайтарылды.
БҚО Полиция департаменті криминалдық полиция басқармасының бастығы Ерлан Арыстановтың баяндауынша, мал ұрлығымен айналысатын қылмыстық топтарды анықтау бойынша жүргізілген жедел-іздестіру іс-шараларының нәтижесінде 2020 жылы 27 қылмыстық топ пен 178 мал ұрлаушы анықталып, олардың қылмыстық әрекеттері әшкереленді.
2020 жылдың сәуір айында ұзақ уақыт жүргізілген жедел әшкерелеу жұмысы нәтижесінде ағайынды Ешовтардың қылмыстық әрекеті әшкере болып, оларға қатысты мал ұрлығы бойынша 45 эпизодты іс қозғалып, қазіргі уақытта сотқа жолданғаны мәлім.
Өткен жылдың ішінде ұрын жасалған 110 мал ұрлығы қылмысы ашылды, оның ішінде 46-сы «өткен жылдар» санатына жатады.
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу