КіруМайдангер үшін қос мерейтой
Бүгін Ұлы Отан соғысының ардагері Иван Болтановтың туған күні. Жеңістің 75 жылдық мерейтойымен қатар майдангер мерейлі 95 жасын атап өтпек. Орал қаласында жеке үйде тұратын қарияны қос мерейлі мерекесі қарсаңында «Ғылыми зерттеулерді қолдау қоры» жеке қорының жетекшісі Айболат Құрымбаев бастаған оралдық еріктілер қуантып, ауласын абаттандырып, қақпасын сырлап берді.
Бүгінде Иван Иванович Оралда жеке үйде тұрады. Қыздарының өз үй-жайлары бар, кезектесіп қарайласады екен. Сонымен қатар еріктілер, полиция қызметкерлері, әкімдік өкілдері де ардагердің жиі көрісетін жанашыр қонақтары. Жуырда «Ғылыми зерттеулерді қолдау қоры» жеке қорының жетекшісі Айболат Құрымбаев өзі бастама көтеріп, әлеуметтік желіде майдангердің ауласын тазалау туралы қала тұрғындарына үндеу тастаған болатын. Қала әкімдігі, шаһардағы лактау-сырлау материалдары сауда үйлері қолдау көрсетіп, қажетті жабдықтарды ұсынды. Игі істен қаланың азаматтары да сырт қалмай, ардагердің үйіне келіп, ауланы тазалауға, ағаштарды сәндеп қиып,түбін қопсытып, әктеуге, ауланың қоршауын сырлау жұмыстарына үлес қосты. Көшенің де күл-қоқысын тазартты. Ертемен білек сыбана іске кіріскен қайырымды жандар «жұмыла көтерген жүк жеңіл» екенін тағы бір дәлелдеді. Әп-сәтте ауласының іші мен сырты жарқырай түскен қарияның да көңілі шаттанып, алғысын жаудырды.
Эльмира НҰҒМАНОВА
Мақаланың толық нұсқасын «Жайық үні» газетінің 7 мамыр күнгі №17 санынан оқи аласыздар.
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу