КіруМәртебесі арта берсін, Оралдың!
Жуырда қала күніне орай ҚР Тұңғыш Президент алаңында гала концерт болып,облыс басшысы Нариман Төреғалиев құттықтау сөз сөйледі.
– Қадірменді жерлестер!Қала күні құтты болсын! Орал шаһары тамыры сонау сегізінші ғасырдан бастау алатын «Жібек жолы» бой көтерген көне қала. Әр көшесі тарихқа толы « ашық аспан астындағы мұражай » деуге болады. Орал – Құрманғазы, Дәулеткерей,Мұхит, Дина сынды қайталанбас дарын иелерінің,Хадиша Бөкеева, Роза Жаманова, Ғарифолла Құрманғалиевсекілді талантты әртістердің, Хамза Есенжанов, Тайыр Жароков, Қадыр Мырза Әлі, Жұбан Молдағалиев, Қасым Аманжоловтың сияқты танымал таланттардың ордасы болды,-деді облыс басшысы.
Шарада «Үздік бизнес нысан» аталымымен «Балзия» ЖШС, «Үздік білім беру ұйымымен» Оқушылар сарайы және «Жайық үні» газеті оқырмандарының бірі – қалалық №6 емхананың ұжымы «Үздік денсаулық сақтау ұйымы» аталымымен марапатталды.
Бұдан соң көркемөнерпаздар әннен шашу шашып, эстрада жұлдыздары Балжан Бидаш, Адам, Қаракесек әсем әндер шырқап, шараның шырайын келтірді. Шара соңында отшашу болды.
Гүлім НҰРҚАТ
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
