Кіру«ЛАТЫН» ЖЫЛЖЫМАЛЫ КІТАП КӨРМЕСІ – ОРАЛДА
«Рухани жаңғыру» бағдарламасы аясында Батыс Қазақстан облыстық тарихи-өлкетану мұражайы базасында Астананың 20 жылдығына арналған «Латын» жылжымалы экспедициялық көрмесі өткізіледі.
«Латын» кітап көрмесінде 1929-1940 жж.аралығында ҚР Ұлттық Академиялық кітапханасының сирек қорынан шығарылған қазақ тіліндегі 100-ден астам кітап ұсынылады. Көрме төрт бөлімнен тұрады. Онда оқулықтар, көркем, салалық, балалар әдебиеті мен мерзімді басылымдар көрсетіледі.
Көрмеге латын графикасындағы 100-ден астам кітап қойылады. Олардың ішінде «Әліппе», «Химия», «Алгебра», «Биология» және басқа да қажетті мектеп оқулықтары, Мұхтар Әуезов, Бейімбет Майлин, Сұлтанмахмұт Торайғыров, Сәбит Дөнентаев, Сәкен Сейфуллин, Иса Байзақов, Өтебай Тұрманжанов және басқа да жазушылар мен ақындар, балаларға арналған ертегілер, «Қозы Көрпеш-Баян сұлу», «Алпамыс» эпикалық поэмалары бар.
Көрмені Батыс Қазақстан облысының тілдерді дамыту жөніндегі басқармасының қолдауымен «Ғылыми зерттеулерді қолдау қоры» жеке қоры ұйымдастыруда.
Көрме 28 қараша күні Х.Бөкеева атындағы Қазақ драма театрында ашылып, 28 желтоқсанға дейін Батыс Қазақстан облыстық өлкетану мұражайында жалғасады.
«Жайық үні»
Соңғы жаңалықтар
Қазақстан Республикасының Президенті Қасым-Жомарт Тоқаевтың Астана күнімен құттықтауы
Мемлекет басшысы Қасым-Жомарт Тоқаев құқық қорғау органдарының кеңейтілген алқа мәжілісінде сөз сөйледі
Жәнібек аудандық сотында 11 жыл бұрынғы өлім фактісін анықтау туралы азаматтық іс қаралды
Оралда жол апаты: үш көлік соқтығысып, жаяу жүргінші жолы тағы да қауіпке айналды!
Тоқаев Қытай үкіметіне 1500 ақбөкен сыйға тарту туралы шешімін жариялады
Батыс Қазақстан облысында энергетикалық әлеуетін арттыру жұмыстары жалғасуда
Об Агентстве по атомной энергии Республики Казахстан
Пікір үстеу