КіруӘЛ-ФАРАБИДІҢ ҒЫЛЫМИ-ЗИЯТКЕРЛІК МҰРАСЫ НАСИХАТТАЛДЫ
Орал қаласында әлемнің екінші ұстазы атанған Әл-Фарабидің 1150 жылдық мерейтойына орай техникалық және кәсіптік білім беру ұйымдары студенттері арасында «Фараби оқулары» аясында «Әл-Фарабидің ғылыми-зияткерлік мұрасы» ғылыми-тәжірибелік конференциясы өтті. Облыстағы 30-дан аса арнаулы оқу орындары студенттері қатысқан конфренцияны Республикалық жоғары техникалық колледжі ұйымдастырды.
Конференция шығыстың ғұлама ойшылы, математик, астролог, музыка теоретигі Әбу Насыр Әл-Фарабидің еңбектерін кеңірек таныстыру және насихаттау мақсатында ұйымдастырылды. «Әл-Фараби және мәдениет», «Әл-Фараби математика және астрономия ғылымында», «Әл-Фараби жаратылыстану ғылымында», «Әл-Фараби философия ғылымында», «Әл-Фараби филология ғылымында» бағыттары бойынша бес секцияда студенттердің зерттеулері бойынша дайындалған 45 баяндама тыңдалды. Әл-Фарабидің өмірі, әлеуметтік-этикалық, саяси, философиялық, діни көзқарастары, мемлекет басқару, ізгілікті қоғам жөніндегі гуманистік идеялары, ғылымның әр саласын қамтитын тракттаттары мен тұжырымдарының рухани құндылығы мен маңызы тереңнен қозғалды.
Конференция қатысушыларының жұмыстарын М.Өтемісов атындағы БҚМУ, Батыс Қазақстан инновациялық-технологиялық университетінің оқытушылары мен ғылыми қызметкерлері сарапқа салды. Үздік зерттеу жұмыстарының авторлары білім басқармасының дипломдарымен марапатталды.
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу