КіруКеңесте үш мәселе тыңдалды
Бүгін, қарашаның 28-і күні қалалық әкімдіктің үлкен залында қалалық қоғамдық кеңестің отырысы өтті. Жиынға Орал қаласының әкімі Мұрат Бәйменов пен орынбасарлары, қоғамдық кеңес мүшелері қатысты.
Қалалық қоғамдық кеңестің төрағасы Бауыржан Атауов жүргізген жиында күн тәртібіндегі бірінші мәселе бойынша Орал қалалық сәулет және қала құрылысы бөлімі басшысының орынбасары Асылхан Қайырлиев аталмыш саладағы 10 ай мерзімде көрсетілген мемлекеттік қызметтер туралы есеп берді.
Бұдан соң қалалық ауылшаруашылығы және кәсіпкерлік бөлімінің басшысы Мейрам Хайров Орал қаласы бойынша шетелдіктер үшін 2025 жылға арналған туристік жарна мөлшерлемелерін бекіту туралы мәслихаттың шешіміне сәйкес түсінік берді.
Сондай-ақ қалалық тұрғын үй – коммунальдық шаруашылығы, жолаушы көлігі және автомобиль жолдары бөлімінің басшысы Абылай Нұрмақов ағымдағы жылы атқарылған жұмыстар легін атап өтті.
Жиынды қорытындылаған қала әкімі Мұрат Бәйменов шаһардың негізгі әлеуметтік маңызды көрсеткіштеріне қол жеткізу мақсатында халықтың өмір сүру сапасын арттыру керегін нақтылап,ауқымды жұмыстардың әлі де жалғасатынын айтты.
Гүлжан СЕРІКҚЫЗЫ
Бұл туралы газетіміздің келесі санынан толықтай оқисыздар.
Соңғы жаңалықтар
1,2 млрд теңгенің спорт кешені. Жаңаөмірдегі нысан кімнің қолдауымен салынды?
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
