КіруИНВЕСТИЦИЯЛЫҚ БАҒДАРЛАМА НӘТИЖЕЛІ
Бүгін Қазақстан Республикасы ұлттық экономика министрлігі Табиғи монополияларды реттеу және бәсекелестікті қорғау комитетінің Батыс Қазақстан облысы бойынша департаменті «Жайықжылуқуаты» АҚ жылу-электр орталығының ағымдағы жылға арналған инвестициялық бағдарламаны орындау барысын бақылау мақсатында баспасөз турын өткізді.
Осы орайда департамент өкілдері қаржының мақсатты игерілуін қадағалау бойынша жылу тарататын орталығының қысқы маусымға дайындығын пысықтап, бағдарлама аясында жасалған жұмыстармен танысты. БҚО бойынша Табиғи монополияларды реттеу және бәсекелестікті қорғау және тұтынушылар құқығын қорғау департаменті басшысының міндетін атқарушы Нұрбол Ислямовтың айтуынша, биылғы жылға арналған Орал қаласының жылумен жабдықтау жүйелерін, ЖЭО жабдығын, суалғы мен қазандықтарды қайта құру мен жаңғырту инвестициялық бағдарламасы аясында 1 411,8 млн. теңге қаражат бөлінген. Соның ішінде меншікті қаражатқа 180,74 млн. теңгеге іс-шаралар белгіленген. Жылу электр орталығы бойынша – 115,89 млн. теңге, «Нұрлы жол» желісі шеңберінде қарыз қаражат есебінен – 1231,06 млн. теңге қарастырылған. Қазіргі таңда іс-шаралардың нақты орындалуы шамамен 116 млн. теңгені құрап отыр.
Статорды күрделі жөндеуге бекітілген 45,588 млн. теңгеге «Сервис Энерго» ЖШС тиісті жұмыстарды толықтай орындаған. Биіктігі 150 метрді құрайтын темірбетонды түтін мұржасын «Казтеплоспецстрой» ЖШС 39, 014 млн. теңгеге күрделі жөндеуден өткізген. Бұдан өзге жылу электр орталығы аумағындағы болат су таратқыш ауыстырылып, стансаның химия цехының зертханасына арналған жабдық сатып алынған. Сондай-ақ орталықтың қысқы маусымға дайындығы бойынша негізгі жабдықтарды қалпына келтіруге жөндеу қорының есебінен 289,8 млн. теңге қарастырылған. Аталған қаражатқа қазан агрегаты жөнделіп, энергетикалық қазандық ауыстырылған. «Таразэнергоремонт» ЖШС турбинаны ағымдағы жөндеуден өткізіп, диафрагмаларды қақтан тазартқан. «Жайықжылуқуаты» АҚ құрамына енетін Орал жылу электр орталығының басшысы Мейрам Сейтеновтың айтуынша, инвестициялық бағдарлама аясында бөлінген қаражат мақсатты игерілуде, бүгінде құрылғыларды жаңарту жұмыстары жалғасуда, магистральды құбырлар ауыстырылған. Орталық қала тұрғындарын жылумен, көгілдір отынмен толық қамтуға дайын. Қазіргі таңда тұтынушылардан ешқандай арыз-шағымдар түспеген.
Кәусар БАЙҒАЛИЕВА
Версия для печатиСоңғы жаңалықтар
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Мемлекеттік қызмет көрсету процесін жетілдіру бойынша жұмыс жалғасуда.
Азаматтардың басым көпшілігі «Заң мен Тәртіп» қағидаты мен «Таза Қазақстан» идеясын қолдайды – сауалнама
Саяси пікірталас күшейді: ҚХП ЖСДП бағдарламасындағы бастамаларды сынға алды
Шағын модульдік реакторлар – Қазақстанның болашақ энергетикасының жаңа бағыты
Хан тоғайындағы 18 гектар аумақты шарпыған өрт толық сөндірілді
Пікір үстеу